ក្រុមហ៊ុន​ Apple ប្រាប់ពី​បញ្ហា​បណ្ដាល​ឱ្យ​ iPhone 15 ឡើង​កម្ដៅ​

ក្រុមហ៊ុន Apple បាននិយាយ កាលពីថ្ងៃសៅរ៍ ទី៣០ ខែកញ្ញា ថា ខ្លួនរកឃើញបញ្ហាមួយចំនួនដែលបណ្តាលឱ្យ iPhone 15 ចេញថ្មី ឡើងកម្ដៅលើសការរំពឹង រួមទាំងបញ្ហានៅក្នុងកម្មវិធី iOS 17 ត្រៀមនឹងជួសជុល Update នាពេលខាងមុខ ។

បន្ទាប់ពីមានការត្អូញត្អែរថា “ទូរស័ព្ទថ្មីឡើងកំដៅខ្លាំង” Apple បាននិយាយថា “ឧបករណ៍នេះអាចក្តៅក្នុងរយៈពេលពីរបីថ្ងៃដំបូង ក្រោយពីដំឡើង ឬស្តារឧបករណ៍ឡើងវិញ ដោយសារតែសកម្មភាពផ្ទៃខាងក្រោយ ។ បញ្ហាមួយទៀតគឺពាក់ព័ន្ធនឹងការ Update ថ្មីៗមួយចំនួនចំពោះកម្មវិធីភាគីទីបី ដែលបណ្តាលឱ្យប្រព័ន្ធផ្ទុកលើសទម្ងន់ ។”

បើយោងតាមក្រុមហ៊ុន Apple កម្មវិធីភាគីទីបី បង្កបញ្ហារួមមាន ហ្គេម Asphalt 9, Instagram, និង Uber ប៉ុន្តែសម្រាប់ Instagram ត្រូវបានដោះស្រាយបញ្ហារួចហើយតាំងពីថ្ងៃទី ២៧ ខែកញ្ញា ឯណោះ ។

យ៉ាងណាមិញ ការជួសជុលកំហុស iOS 17 នាពេលខាងមុខនឹងមិនកាត់បន្ថយកម្ដៅសីតុណ្ហភាពរបស់ iPhone នោះទេ ។ Apple ក៏បាននិយាយផងដែរថា បញ្ហានេះមិនបង្កហានិភ័យ ឬរបួសនោះទេ ហើយនឹងមិនប៉ះពាល់ដល់ដំណើរការរយៈពេលវែងរបស់ទូរស័ព្ទនោះឡើយ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ វៀតណាម រឹបអូសទូរសព្ទ iPhone 15 ជាង ៤០ គ្រឿងនៅព្រលានយន្តហោះ