បច្ចេកវិទ្យា

ក្រុមហ៊ុនបច្ចេកវិទ្យាយក្ស អាមេរិក បាញ់បង្ហោះផ្កាយរណបបង្កើនសេវាអ៊ីនធឺណិតបន្ថែម

បានផុស

១ year មុន

នៅ

ថ្ងៃចន្ទ ៩ តុលា ២០២៣

ដោយ

ក្រុមហ៊ុនបច្ចេកវិទ្យាយក្សរបស់អាមេរិក Amazon បានបាញ់បង្ហោះសាកល្បងនូវផ្កាយរណបចំនួន ២ គ្រឿងក្នុងគោលបំណងផ្តល់ ក៏ដូចជាបន្ថែមសេវាអ៊ីនធឺណិតនៅចុងឆ្នាំ ២០២៤ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រ៉ុកកែតដែលដឹកផ្កាយរណបត្រូវបានបាញ់បង្ហោះពីទីតាំងមួយកន្លែងនៅរដ្ឋ Florida ភាគខាងត្បូងសហរដ្ឋអាមេរិកកាលពីថ្ងៃសុក្រ ។ ការបាញ់បង្ហោះផ្កាយរណបនេះគឺជាផ្នែកមួយនៃគម្រោង Kuiper របស់ក្រុមហ៊ុន Amazon ដែលមានគោលបំណងផ្តល់ការគ្របដណ្តប់អ៊ីនធឺណិតទូទាំងពិភពលោក និងធ្វើឲ្យការតភ្ជាប់កាន់តែប្រសើរឡើង ។

ទន្ទឹមនឹងនេះ ក្រុមហ៊ុនក៏គ្រោងនឹងដាក់ផ្កាយរណបប្រហែល ៣,២០០ គ្រឿងចូលទៅក្នុងគន្លងចម្ងាយប្រហែល ៦០០ គីឡូម៉ែត្រពីផែនដីនៅឆ្នាំ ២០២៩ ផងដែរ ។

ស្របពេលជាមួយគ្នានេះ តាមរយៈការចូលរួមរបស់ក្រុមហ៊ុន Amazon ត្រូវបានគេរំពឹងថា នឹងធ្វើឲ្យការប្រកួតប្រជែងសេវាអ៊ីនធឺណិត កាន់តែមានភាពខ្លាំងឡើង ។

ពាក់ព័ន្ធនឹងការបាញ់បង្ហោះផ្កាយរណបនេះដែរ ក្រុមហ៊ុន Starlink ដែលជាសេវាភ្ជាប់អ៊ីនធឺណិតល្បឿនលឿនរបស់មហាសេដ្ឋី Elon Musk បានដាក់ឲ្យដំណើរការផ្កាយរណបជាង ៥,០០០ រួចមកហើយ ដែលបានផ្តល់សេវាកម្មនៅសហរដ្ឋអាមេរិក អឺរ៉ុប ជប៉ុន និងកន្លែងផ្សេងទៀត ខណៈដូចគ្នានេះ ក្រុមហ៊ុន Eutelsat Group របស់បារាំង ក៏បានបាញ់បង្ហោះផ្កាយរណបជាង ៦០០ គ្រឿងផងដែរ ៕

ប្រែសម្រួល៖ នាង រតនៈ

ប្រភព៖ NHK

ចុចអាន៖ អ៊ីស្រាអែល ដាក់ប្រទេសក្នុង គ្រាមានសង្គ្រាម ក្រោយក្រុម Hamas បាញ់រ៉ុកកែតជាង ៥០០០គ្រាប់