បច្ចេកវិទ្យា

តើអ្វីជា Cloud ក្នុងឧស្សាហកម្មតិចណូឡូជី? សំខាន់អ្វីដែរចំពោះគ្រប់គ្នា?

បានផុស

៤ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

ចម្លើយ ៖ និយាយឲ្យសាមញ្ញទៅកុំព្យូទ័រពពក cloud គឺជាការផ្ដល់សេវាកម្មដែលសម្រាប់ផ្ទុកទិន្នន័យមូលដ្ឋាន ទិន្នន័យបណ្តាញសូហ្វវែរ វិភាគនិងភាពវៃឆ្លាត តាមអ៊ិនធរណេតដែលផ្តល់ជូននូវល្បឿនបញ្ជូនលឿន ហើយមានគុណភាពរក្សាទំហំធំផង។

ជាធម្មតាសេវាកម្ម Cloud តែងអាចជួយកាត់បន្ថយពេលវេលា ជាមួយហេដ្ឋារចនាសម្ព័ន្ធតាមឡាញ និងមានអត្ថប្រយោជន៍កំពូលសម្រាប់គ្រប់អាជីព ដែលអ្នកមិនចេះវា នឹងខាតបង់ធ្ងន់ពិបាកឆ្ពោះរកជោគជ័យក្នុងជីវភាពទៅអនាគត។

នេះជាហេតុផលទូទៅចំនួន ៧ ដែលគ្រប់គ្នាស្ថិតក្នុងវ័យបំពេញការងារត្រូវដឹងអំពី Cloud ៖

១ បន្ថយចំណាយ

Cloud computing លុបបំបាត់ការចំណាយដើមទុនក្នុងការទិញផ្នែករឹង និងសូហ្វវែរ សេវាកម្មតំឡើង និងដំណើរការលក់ហើយបន្ថែមលឿនសេវាកម្មយើងយ៉ាងរហ័សរហួន។

សេវាកម្មកុំព្យូទ័រពពកភាគច្រើនសូម្បីតែfileកុំព្យូទ័រដ៏ច្រើនសន្ធឹកសន្ធាប់និងធំធ្ងន់ខ្លាំងក៏អាចផ្ទុកផ្ញើក្នុងរយៈពេលត្រឹមតែប៉ុន្មាននាទីដោយគ្រាន់តែចុចកូនកណ្ដុរពីរបីដង។ អ្នកធ្វើអាជីវកម្មនានា ទទួលបាននូវភាពបត់បែនរហ័សនិងមានសុវត្ថិភាពក្នុងការផ្ទុក។

២ ខ្នាតជាសកល

អត្ថប្រយោជន៍នៃសេវាកម្មកុំព្យូទ័រពពក រួមមានសមត្ថភាពក្នុងការធ្វើមាត្រដ្ឋានបាន។ និយាយតាមពពកមានន័យថា ការផ្ដល់នូវធនធានអាយធីត្រឹមត្រូវ – ឧទាហរណ៍ ថាមពលកុំព្យូទ័រផ្ទុកតិចឬច្រើននៅពេលចាំបាច់ ហើយចេញពីទីតាំងភូមិសាស្ត្រត្រឹមត្រូវ។

៣ ផលិតភាព

Cloud computing បានបំបាត់នូវតំរូវការសំរាប់ការងារបញ្ជូនរូបភាព ឬការផ្ញើចេញយឺតយ៉ាំងធ្លាក់គុណភាព ដែលទាំងនេះកាត់បន្ថយការចំណាយពេលវេលាបានយ៉ាងល្អ។ Cloudដំណើរការនៅលើបណ្តាញអ្នកទំនាក់ទំនងដែលមានសុវត្ថិភាពនៅទូទាំងពិភពលោក ហើយវាត្រូវបានតំឡើងជាស្រេចលើគ្រប់ផ្នែករឹងនៃកុំព្យូទ័រដែលកាត់បន្ថយភាពយឺតនៃបណ្តាញសម្រាប់កម្មវិធីនិងសេដ្ឋកិច្ចខ្នាតធំ។

៤ សុវត្ថិភាព

Cloud ផ្តល់ជូននូវគោលនយោបាយបច្ចេកវិទ្យានិងការគ្រប់គ្រងយ៉ាងទូលំទូលាយដែលពង្រឹងជំហរសន្តិសុខជាទូទៅ ដូចជាជួយការពារទិន្នន័យកម្មវិធីនិងហេដ្ឋារចនាសម្ព័ន្ធរបស់អ្នកប្រើ ពីការគំរាមកំហែងដែលអាចកើតមានឡើង។

ប្រភេទនៃការCloud

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Cloud ទាំងអស់មិនដូចគ្នាទេគឺមានម៉ូដែលនិងសេវាកម្មផ្សេងៗគ្នាជាច្រើនដែលបានវិវត្តដើម្បីជួយផ្តល់ជូននូវដំណោះស្រាយត្រឹមត្រូវសម្រាប់តម្រូវការខុសគ្នាៗនៃអ្នកប្រើ។

ដំបូងយើងត្រូវកំណត់ប្រភេទនៃការដាក់ពង្រាយCloud ឬស្ថាបត្យកម្មកុំព្យូទ័រពពកដែលសេវាកម្មានវិធីបីយ៉ាងផ្សេងគ្នានៅលើពពកសាធារណៈ ពពកឯកជន ឬពពកកូនកាត់។

ពពកសាធារណៈ
ពពកសាធារណៈត្រូវបានគ្រប់គ្រងនិងដំណើរការដោយអ្នកផ្តល់សេវាកម្មក្លោតរបស់ភាគីទីបីដែលផ្តល់ធនធានកុំព្យូទ័ររបស់ពួកគេដូចជាម៉ាស៊ីនមេនិងកន្លែងផ្ទុកទិន្នន័យនៅលើអ៊ីនធឺណិត។ Microsoft Azure គឺជាឧទាហរណ៍នៃពពកសាធារណៈ។

ពពកឯកជន

ពពកឯកជនសំដៅទៅលើធនធានកុំព្យូទ័រពពកដែលត្រូវបានប្រើដោយអាជីវកម្មឬអង្គការតែមួយ។ ពពកឯកជនអាចត្រូវបានដាក់នៅលើទីតាំងទិន្នន័យរបស់ក្រុមហ៊ុន។ ក្រុមហ៊ុនខ្លះក៏បង់លុយឱ្យអ្នកផ្តល់សេវាភាគីទីបីដើម្បីធ្វើជាម្ចាស់ពពកឯកជនរបស់ពួកគេ។ ពពកឯកជនគឺជាសេវាកម្មមួយដែលសេវាកម្មនិងហេដ្ឋារចនាសម្ព័ន្ធត្រូវបានរក្សាទុកនៅលើបណ្តាញឯកជន។

ពពកកូនកាត់

ពពកកូនកាត់រួមបញ្ចូលពពកសាធារណៈនិងឯកជនភ្ជាប់គ្នាដោយបច្ចេកវិទ្យាដែលអនុញ្ញាតឱ្យចែករំលែកទិន្នន័យនិងកម្មវិធី។ តាមរយៈការអនុញ្ញាតឱ្យទិន្នន័យនិងកម្មវិធីអាចផ្លាស់ប្តូររវាងពពកឯកជននិងពពកសាធារណៈពពកកូនកាត់ផ្តល់នូវភាពបត់បែនកាន់តែច្រើនជម្រើសដាក់ពង្រាយកាន់តែច្រើននិងជួយបង្កើនប្រសិទ្ធភាពហេដ្ឋារចនាសម្ព័ន្ធសុវត្ថិភាពនិងអនុលោមភាពរបស់អ្នក។

ប្រែសម្រួល៖ ចម្រើនតារា

ចុចអាន៖ស្វែងយល់អំពីបច្ចេកវិទ្យាប៊្លូធូស (Bluetooth)

ចុចអាន៖ក្រុមហ៊ុន Slack ឲ្យអ្នកប្រើប្រាស់ប្ដូរលេខសម្ងាត់ជាបន្ទាន់