បច្ចេកវិទ្យា

លើកដំបូង ស្ថាបនិក Amazon វ៉ាដាច់ Elon Musk ជាមហាសេដ្ឋីពិភពលោកវិញម្ដង

បានផុស

១០ ខែ មុន

នៅ

ថ្ងៃពុធ ៦ មីនា ២០២៤

ដោយ

ស្ថាបនិកក្រុមហ៊ុន Amazon លោក Jeff Bezos បានវ៉ាដាច់អ្នកជំនាញខាងបច្ចេកវិទ្យា Elon Musk ដើម្បីត្រលប់ទៅកាន់តំណែងកំពូលនៅក្នុង Bloomberg Billionaires Index ជាមួយនឹងទ្រព្យសម្បត្តិសុទ្ធ ២០០ ពាន់លានដុល្លារ។

បើយោងតាមទិន្នន័យចុងក្រោយកាលពីថ្ងៃអង្គារម្សិលមិញនេះបានបញ្ចាក់ថា លោក Elon Musk ជាប់ចំណាត់ថ្នាក់លេខ២ ក្នុងតម្លៃ ១៩៨ ពាន់លានដុល្លារ ខណៈអ្នកតាមពីក្រោយគឺជាសេដ្ឋីម៉ូដប្រណីត LVMH លោក Bernard Arnault ។

ទោះយ៉ាងណាក៏ដោយ នេះជាលើកទីមួយហើយដែល Jeff Bezos ជាប់ចំណាត់ថ្នាក់កំពូលចាប់តាំងពីឆ្នាំ ២០២១ ក្នុងពេលដែលកាលណោះ Elon Musk លើស Bezos ក្នុងទ្រព្យសម្បត្តិសុទ្ធចំនួន ១៤២ ពាន់លានដុល្លារ ប៉ុន្តែគម្លាតនេះត្រូវបានបង្រួមមកត្រឹម ២ ពាន់លានដុល្លារ។

ថ្វីបើយ៉ាងនេះក្ដី មកដល់បច្ចុបន្បន្ននេះភាគហ៊ុនរបស់ក្រុមហ៊ុន Tesla បានធ្លាក់ចុះជាង ៧% កាលពីថ្ងៃចន្ទ ដោយកាត់បន្ថយទ្រព្យសម្បត្តិរបស់សេដ្ឋីបច្ចេកវិទ្យាមកនៅត្រឹមចំនួន ១៧.៦ ពាន់លានដុល្លារ។ គាត់បានបាត់បង់ប្រាក់៣១ ពាន់លានដុល្លារចាប់តាំងពីដើមឆ្នាំនេះ។

ចំណែកឯការធ្លាក់ចុះរបស់ Bezos គឺទាបជាងត្រឹមតែ ៥០០ លានដុល្លារ។ គាត់បានទទួលប្រាក់ចំនួន ២៣.៤ ពាន់លានដុល្លារបន្ថែមទៀតពីមួយឆ្នាំទៅមួយឆ្នាំ ខណៈដែលភាគហ៊ុនរបស់ក្រុមហ៊ុន Amazon មានតម្លៃកើនឡើងទ្វេដង ចាប់តាំងពីឆ្នាំ ២០២២ ហើយកំពុងមានគោលបំណងសម្រាប់កម្រិតខ្ពស់ជាប្រវត្តិសាស្ត្រថ្មី។

ដោយឡែក Arnault ដែលជាមហាសេដ្ឋីមានបំផុតរបស់ពិភពលោក មុនពេល Elon Musk ចូលកាន់តំណែងក្នុងខែឧសភា ឆ្នាំ ២០២៣ ឥឡូវនេះមានទ្រព្យសម្បត្តិសុទ្ធត្រឹមតែ ១ ពាន់លានដុល្លារ ដែលតិចជាង Elon Musk ទៅទៀត។ គាត់ទទួលបានត្រឹមតែ ១៨.៣ ពាន់លានដុល្លារ ចាប់តាំងពីដើមឆ្នាំនេះ។

សូមជម្រាបជូនថា Amazon ដែលជាក្រុមហ៊ុនដែលមានមូលដ្ឋាននៅទីក្រុង Seattle លក់គ្រឿងអេឡិចត្រូនិក ទំនិញប្រើប្រាស់ក្នុងផ្ទះ និងផលិតផលផ្សេងទៀតតាមរយៈគេហទំព័រដ៏ល្បីរបស់ខ្លួន។ វាក៏គ្រប់គ្រងខ្សែសង្វាក់គ្រឿងទេស Whole Foods និងផ្តល់សេវាកម្ម cloud computing និង streaming ។ ក្រុមហ៊ុន Amazon ទទួលបានប្រាក់ចំណូលចំនួន ៥៧៤.៨ ពាន់លានដុល្លារក្នុងឆ្នាំ ២០២៣ នេះបើយោងតាមសន្ទស្សន៍មហាសេដ្ឋី Bloomberg បានចេញរបាយការណ៍បញ្ចាក់។