បច្ចេកវិទ្យា

សម្រង់សម្ដីអស្ចារ្យទាំង៥ ដែលធ្វើឲ្យយើងច្បាស់ពីបច្ចេកវិទ្យាជាងពីមុន

បានផុស

៤ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

សាង ស្រីល័ក្ខ

បញ្ជីខាងក្រោមនេះបានរួមបញ្ចូលទាំងសម្រង់សម្ដីពីបុរាណល្បីៗដែលបង្ហាញអំពីការពិតដែលថា បច្ចេកវិទ្យាមានមុខពីរ។

យើងទាំងអស់គ្នាមានអារម្មណ៍ថាបច្ចេកវិទ្យាអស្ចារ្យ ពេលខ្លះគ្រោះថ្នាក់ពេលខ្លះយល់ថា បច្ចេកវិទ្យាសំខាន់ ឬ មិនបាច់មានក៏បាន ប៉ុន្តែគ្មានពាក្យដើម្បីពិពណ៌នាឲ្យនិយមន័យត្រឹមត្រូវ។

ខណៈដែលមនុស្សចាស់យល់ថា បច្ចេកវិទ្យានាំមកនូវភាពរំជើបរំជួល មនុស្សវ័យក្មេងជឿថាបច្ចេកវិទ្យាជួយឲ្យមើលទៅអនាគតរហ័សមិនយឺតពេល យើងភាគច្រើនជឿថា បច្ចេកវិទ្យាដែលប្រើប្រាស់ ត្រឹមត្រូវអាចផ្ដល់ថាមពលខ្លាំង និងរក្សាសិទ្ធិ ក៏ដូចជាភាពឯកជនទៀត ហើយផ្ដល់ប្រយោជន៍ត្រឡប់មកវិញផង។

គំនិតភាគច្រើន មិនមែនទូន្មានឲ្យចៀសវាងការប្រើប្រាស់បច្ចេកវិទ្យាទេ គឺត្រូវប្រើឲ្យបានត្រឹមត្រូវ។

សម្រង់បច្ចេកវិទ្យាខ្លះខាងក្រោមនេះ ត្រូវបានគេចែករំលែកឆ្លុះបញ្ចាំងបន្តិចអំពីថា តើយើងពឹងផ្អែកលើបច្ចេកវិទ្យាល្អឬមិនល្អ បើល្អ តើសម្រាប់នរណាម្នាក់ពិតប្រាកដ?

១ ម៉ាស៊ីនដែលមានបច្ចេកវិទ្យាខ្ពស់បំផុតតាមពិតគឺសៀវភៅ

ដោយ Northrop Frye
លោកចង់និយាយថា បើចេះអានសៀវភៅមនុស្សនឹងអភិវឌ្ឍន៍ ទាន់ឬលឿនជាងបច្ចេកវិទ្យាទៅទៀត។ ក្មេងៗដែលពូកែបច្ចេកវិទ្យាតែមិនមានចំណេះដឹងជីវិតច្រើនព្រោះមិនស្ដាប់មិនអាន និងមោទនភាពផ្ដេកផ្ដួលលើម៉ាស៊ីនពេក ភាគច្រើនគេចំណាយពេលចុងក្រោយជាមួយវិប្បដិសារី។

២ បច្ចេកវិទ្យា ធ្វើឲ្យយើងបង្ខំរស់នៅក្នុងទេវកថា

ដោយលោក Marshall McLuhan នេះមានន័យថា សិល្បសាស្ត្រគ្មានទេ គ្រប់យ៉ាងជាបច្ចេកវិទ្យា ដែលនាំមនុស្សឲ្យមានសមត្ថភាពអាចនិយាយគ្នាពីម៉ឺនយោជន៍មក អាចផ្ញើលុយ និងអាចស្ដាប់ឮនិងមើលឃើញពីទីកន្លែងមហាឆ្ងាយ មិនចាំបាច់ត្រូវការត្រចៀកទិព្វភ្នែកទិព្វទេ។

៣ បច្ចេកវិទ្យាគ្រាន់តែជាឧបករណ៍ប៉ុណ្ណោះ

ដោយសេដ្ឋី ប៊ីលហ្គេត

ត្រង់ណេះលោកពន្យល់ថា ឧបករណ៍គ្រប់គ្នាអាចទិញបាន តែគំនិតទេ ដែលអាចធ្វើឲ្យឧបករណ៍នោះក្លាយជាសម្បត្តិមហាសាល។

៤ សិល្បៈប្រជែងនឹងបច្ចេកវិទ្យាហើយបច្ចេកវិទ្យាជំរុញសិល្បៈ

ដោយ John Lasseter

នេះមានន័យថា សិល្បៈឬការច្នៃប្រឌិតតែងមានល្បឿនមុនបច្ចេកវិទ្យា។ គំនិតគួរតែសុបិនមុន ហើយបច្ចេកវិទ្យាកើតមកក្រោយដើម្បីធ្វើឲ្យក្ដីសុបិនទាំងនោះក្លាយជាការពិត។

បច្ចេកវិទ្យាអនុញ្ញាតឲ្យវិចិត្រករអាចបើកគំនិតរបស់ពួកគេទៅជាការពិត ដូចជាផ្ដល់ពណ៌ដល់សិល្បករអ្វីថ្មីៗ ដែលពួកគេមិនធ្លាប់បានឃើញ ពីមុន បើមិនសុបិន ក៏មិនដឹងបង្កើតអ្វីថ្មីឡើងមកដែរ។

៥ រំពឹងម៉ាស៊ីនចុងក្រោយនឹងខកចិត្ត រំពឹងលើមនុស្សក្រោយកំហុសតែងទទួលបានលទ្ធផល

ដោយ B.F. Skinner

នេះមានន័យថា ម៉ាស៊ីនត្រូវបានសាងឡើងដោយមនុស្ស ដែលគ្មានម៉ាស៊ីនណាឆ្លាតជាងមនុស្សទេ។ ម៉ាស៊ីនត្រូវបានបង្កើតឡើងសម្រាប់ភារកិច្ចជាក់លាក់ណាមួយជួយដល់មនុស្ស។ ម៉ាស៊ីនជាអ្វីដែលមនុស្សប្រើចំណេះដឹងបង្កើតឡើង ដែលនឹងធ្វើឲ្យប្រសើរឡើងឬបំផ្លាញអនាគតរបស់យើង ចំណែកការបង្កើតមនុស្សមានសមត្ថភាពគឺអស្ចារ្យព្រោះមនុស្សមានជំនាញទន់ ដែលទោះបីជាម៉ាស៊ីនធ្វើការគណនាល្អឥតខ្ចោះនិងលឿនដែលមនុស្សមិនទៅរួចនោះមានន័យថាមនុស្សនឹងមិនដូចម៉ាស៊ីនទេ។

ភាពខុសគ្នាខ្លាំង គឺយើងជាម៉ាស៊ីន ហើយភារកិច្ចរបស់យើងនឹងកាន់តែងាយស្រួលមិនមែនយកមកប្រឆាំងនឹងយើងឡើយ៕

ប្រែសម្រួ៖ ឡាហ្សូលី

Related Topics:បច្ចេកវិទ្យា