បច្ចេកវិទ្យា
មានកម្មវិធី ២ របស់អគ្គនាយកដ្ឋានអត្តសញ្ញាណកម្ម លែងពិបាកទៅមកសង្កាត់ ឬខណ្ឌច្រើនដង
ដើម្បីងាយស្រួលដល់បងប្អូនប្រជាពលរដ្ឋ លែងពិបាកទៅមក សង្កាត់-ខណ្ឌច្រើនដង ដើម្បីគ្រាន់តែសួរពីចម្ងល់ខ្លះៗ ទាក់ទងនឹងសេវាកម្មអត្តសញ្ញាណកម្មគ្រប់ប្រភេទ នូវលក្ខខណ្ឌស្នើសុំ ឬកែតម្រូវ អគ្គនាយកដ្ឋានអត្តសញ្ញាណកម្ម បានដំណើរការកម្មវិធីលើប្រព័ន្ធទូរស័ព្ទដៃ ចំនួន២ រួមមាន GDI Info និង GDI eServices។
![](https://www.kampucheathmey.com/wp-content/uploads/2024/07/GDIcover-1024x614.jpg)
១. សេវាអត្តសញ្ញាណកម្ម (GDI eServices)
GDI eServices ជាកម្មវិធីតាមទូរស័ព្ទដៃ របស់អគ្គនាយកដ្ឋានអត្តសញ្ញាណកម្ម សម្រាប់ឆ្លើយតបនូវសំណួរ សំណូមពរ និងដោះស្រាយបញ្ហាប្រឈមរបស់ប្រជាពលរដ្ឋ ពាក់ព័ន្ធនឹងការផ្តល់សេវេាអត្តសញ្ញាណកម្មគ្រប់ប្រភេទ ដូចជា អត្រានុកូលដ្ឋាន អត្តសញ្ញាណបណ្ណ ស្ថិតិប្រជាពលរដ្ឋ និងលិខិតឆ្លងដែន។ កម្មវិធីតាមប្រព័ន្ធទូរស័ព្ទដៃនេះ អាចប្រើដើម្បី៖
– ស្វែងយល់នីតិវិធី តម្លៃ រយៈពេល និងតម្រូវការឯកសារក្នុងការស្នើសុំឯកសារអត្តសញ្ញាណកម្ម។
– ស្វែងយល់ពីនីតិវិធី និងតម្រូវការឯកសារក្នុងការស្នើរសុំកែតម្រូវឯកសារអត្តសញ្ញាណកម្ម។
– អាចបញ្ចេញជាមតិសំណូមពលរនានា ពីការផ្តល់សេវាកម្មរបស់អគ្គនាយដ្ឋានអត្តសញ្ញាណកម្ម។
– អាចសាកសួរព័ត៌មានទូទៅទាក់ទងនឹងអត្រានុកូលដ្ឋាន អត្តសញ្ញាណប័ណ្ណ និងលិខិតឆ្លងដែន ក៏ដូចជាតាមដានពាក្យស្នើសុំផងដែរ (scan code) ។
![](https://www.kampucheathmey.com/wp-content/uploads/2024/07/GDI-eServices-1024x480.jpg)
២. GDI Info (General Department of Identification)
ជាកម្មវិធីព័ត៌មានទូទៅរបស់អគ្គនាយកដ្ឋាន ដែលអាចមើលតាមកម្មវិធីទូរស័ព្ទ ឬតាមរយៈប្រព័ន្ធផ្សពផ្សាយរបស់ អគ្គនាយកដ្ឋាន (https://news.gdi.gov.kh/) ។
![](https://www.kampucheathmey.com/wp-content/uploads/2024/07/GDI-1024x686.jpg)
សូមជម្រាបថា អគ្គនាយកដ្ឋានអត្តសញ្ញាណកម្ម ជាសេនាធិការជូនក្រសួងមហាផ្ទៃ អនុវត្តលើការងារអត្តសញ្ញាណកម្ម ប្រជាពលរដ្ឋ និងមានភារកិច្ច សិក្សារៀបចំតាក់តែងសេចក្តីព្រាងច្បាប់ អនុក្រឹត លិខិតបទដ្ឋានគតិយុត្តនានា ដែលទាក់ទងនឹងការងារអត្រានុកូលដ្ឋាន ស្ថិតិប្រជាពលរដ្ឋ ស្នាក់នៅ អត្តសញ្ញាណប័ណ្ណសញ្ជាតិខ្មែរ លិខិតឆ្លងដែន និងសញ្ជាតិ។
សម្រាប់អ្នកដែលមានចម្ងល់ទាក់ទងនឹងបញ្ហាដែលបានរៀបរាប់ខាងលើ អាចទាញយកម្មវិធីនេះ ដាក់ក្នុងប្រព័ន្ធទូរស័ព្ទដៃ និងចូលទៅកន្លែង «សំណួរ ឬចម្ងល់» ដើម្បីសួរពីអ្វីដែលចង់ដឹង នៅរៀងរាល់ម៉ោងធ្វើការ ចាប់ពីចន្ទ ដល់ថ្ងៃសុក្រ ហើយក្រុមការងារប្រចាំការរបស់ អគ្គនាយកដ្ឋានអត្តសញ្ញាណកម្ម នឹងឆ្លើយតបតាមសំណួរ៕
![](https://www.kampucheathmey.com/wp-content/uploads/2023/10/395826430_350630784191136_9158850898171092493_n-1024x615.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា