ក្រសួងការងារ ដំណើរការ App ២ ផ្តោតលើកម្មវិធីបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ

ក្រសួងការងារ និងបណ្តុះបណ្តាលវិជ្ជាជីវៈ បានបង្កើតកម្មវិធី ២ គឺ TVET 1.5M និង TVET E-Learning សម្រាប់កម្មវិធីបណ្តុះបណ្តាលបច្ចេកទេស និងវិជ្ជាជីវៈ ​ដែល​ផ្តោតលើយុវជនមកពីគ្រួសារក្រីក្រ និងគ្រួសារងាយរង​ហានិភ័យ ដើម្បីមានឱកាសការងារកាន់តែល្អប្រសើរ ក្នុងការបង្កើនប្រាក់ចំណូល និងជីវភាពរស់នៅ។

១. TVET 1.5M
ជាកម្មវិធីសម្រាប់ការចុះឈ្មោះចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរកហានិភ័យ។

២. TVET E-Learning
ជាកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដោយរាប់បញ្ចូលទាំងគ្រឿងបង្គុំ អេឡិចត្រូនិក ស្ថាបត្យកម្ម ព័ត៌មានវិទ្យាជាដើម ដែលអាចស្វែងរកមេរៀន គ្រឹះស្ថានសិក្សា និងរក្សាទុកមេរៀនរបស់ខ្លួនផងដែរ។

ក្រៅពីកម្មវិធីលើទូរស័ព្ទដៃ ក្រសួងការងារ និងបណ្តុះបណ្តាលវិជ្ជាជីវៈ ក៏មានវេបសាយដែលបម្រើដល់សេវាពាក់ព័ន្ធវិស័យការងារ សេវាពាក់ព័ន្ធវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ រួមនិងសេវាពាក់ព័ន្ធជនបរទេស ស្វ័យប្រកាសអធិការកិច្ចការងារ តាមប្រព័ន្ធស្វ័យប្រវត្តិកម្មជាដើម អានលម្អិត ៕