បច្ចេកវិទ្យា

Realme 7 seriesបានចេញលក់នៅក្នុងទីផ្សារកម្ពុជាហើយ : សាកលឿន65W + កាមេរ៉ា Sony 4គ្រាប់64MP + អេក្រង់90Hz តម្លៃចាប់ពី $289 ឡើងទៅ

បានផុស

៤ years មុន

នៅ

ថ្ងៃព្រហស្បតិ៍ ១ តុលា ២០២០

ដោយ

នៅថ្ងៃទី30 ខែកញ្ញា realme ដែលជាម៉ាកស្មាតហ្វូន ដែលមានការរីកចម្រើនឆាប់រហ័សបំផុតបានដាក់ប្រកាសជាផ្លូវការនូវ realme 7 Pro និង realme 7 នៅក្នុងទីផ្សារប្រទេសកម្ពុជា ហើយនេះក៏ជាលើកដំបូងដែលrealme បានយកបច្ចេកវិទ្យា សាកថ្មលឿន65W និងអេក្រង់ Super AMOLED មកបំពាក់នៅក្នុង Number series របស់ខ្លួន ក៏ដូចជាពាក្យស្លោករបស់ក្រុមហ៊ុនគឺ “ Capture Sharper, Charge Faster ” នៅផ្នែកថតរូបនិងបច្ចេកវិទ្យាសាកថ្មរបស់ realme 7 series មានការវិវត្តិន៍កាន់តែប្រសើរឡើង ថែមទាំងនាំនូវបទពិសោធន៍ដ៏អស្ចារ្យនិងមានតម្លៃសមរម្យដល់អ្នកប្រើប្រាស់វ័យក្មេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ផ្នែកគ្រឿងបំពាក់ realme 7 Pro មានបំពាក់ជាមួយនឹង Snapdragon 720 និងមានទំហំអង្គផ្ទុកធំ 8GB+128GB បច្ចេកវិទ្យាសាកលឿន 65W SuperDart អេក្រង់ Super AMOLED បាសបំពងសំឡេងពីរគ្រាប់Dolby Atmos និងកាមេរ៉ា Sony 64MP ៤គ្រាប់ ដែលមានតម្លៃ $369 ។ រីឯrealme 7 មានបំពាក់បន្ទះឈីប Gaming Helio G95 និងមានសមត្ថភាពខ្លាំងរបស់Media Tek ដែលបានប្រកាសដំបូងគេ មានទំហំអង្គផ្ទុកធំ 8GB+128GB ថាមពលថ្មធំ5000mAhជាមួយនឹងការសាកថ្មលឿន30W Dart កម្រិតអេក្រង់90Hz មានតម្លៃ $289 លោកអ្នកអាចធ្វើការកុម្ម៉ង់បានឥឡូវនេះ។

ការសាកថ្មដែលមិនត្រូវការរង់ចាំ ការសាកថ្មលឿន 65W SuperDart គឺជាដំណោះស្រាយដ៏ល្អបំផុតបច្ចេកវិទ្យាសាកថ្មលឿននាំមុខគេ realme គឺជាម៉ាកស្មាតហ្វូនដំបូងគេ ដែលបានយកបច្ចេកវិទ្យា 65W SuperDart បំពាក់ទៅលើស្មាតហ្វូនក្នុងជួរតម្លៃ $300-$400 ធ្វើឲ្យយុវវ័យកាន់តែច្រើនទទួលបានបទពិសោធន៍សាកថ្មល្បឿនលឿនដូចរន្ទះ ។ បច្ចេកវិទ្យា65W SuperDart ដែលបំពាក់នៅលើ realme 7 Pro អាចសាកបាន13%ក្នុងរយៈពេល3នាទី ហើយថាមពលថ្មនេះអាចលេងPUBG បាន 3ប្រគួត លេងInstagram 2ម៉ោង មើលYouTubeបាន2.5ម៉ោងឬទុកStandByបានរយៈពេល4ថ្ងៃ ហើយវាអាចសាកថ្មបាន100% ក្នុងរយៈពេល34នាទី ក្លាយជាស្មាតហ្វូនដែលមានការសាកលឿនក្នុងជួរតម្លៃដូចគ្នានេះ ជួយអោយអ្នកប្រើប្រាស់ចាកចេញពីការរង់ចាំនៃការសាកថ្ម។

ការប្រើប្រាស់កាន់តែមានសុវត្ថិភាព ជាស្មាតហ្វូនដំបូងគេដែលបានទទួលវិញ្ញាបនបត្របញ្ជាក់ពីគុណភាពពីស្ថាប័ន TüV Rheinland

ជាមួយគ្នានេះដែរ realme 7 series គឺជាស្មាតហ្វូនដំបូងគេ ដែលទទួលបានវិញ្ញាបនបត្របញ្ជាក់ពីគុណភាពពីស្ថាប័ន TüV Rheinland ដែលជាស្ថាប័ន ត្រួតពិនិត្យគុណភាពនិងសុវត្ថិភាព សីតុណ្ហភាពនៃកំឡុងពេលសាកថ្មត្រូវបានកំណត់ឲ្យនៅត្រឹមក្រោម40℃ បង្កើននូវការទុកចិត្តនៃស្មាតហ្វូនមួយកម្រិតទៀត ធ្វើឲ្យអ្នកប្រើប្រាស់ទទួលបានភាពរីករាយដែលនាំមកដោយ បច្ចេកវិទ្យាដែលពេញនិយមនិងឈានមុខគេ។

ថតរូបកាន់តែច្បាស់ កាមេរ៉ា៤គ្រាប់64MP

ដើម្បីជួយយុវវ័យចាប់យករូបភាពនៃការរស់នៅប្រចាំថ្ងៃរបស់ពួកគេអោយកាន់តែប្រសើរ realme 7 Pro បានបំពាក់នូវកាមេរ៉ាSony 64MP ៤គ្រាប់។ រាល់ពេលដែលប្រើមុខងារ64MP ដើម្បីថតរូប រូបភាពដែលបានមក គឺច្បាស់ជាងរូបដែលថតដោយមុខងារធម្មតា2ដង។

កាមេរ៉ា64MPដែលមានកម្រិតពន្លឺ 1/1.73 ជាប្រភេទកាមេរ៉ា Sony IMX 682 ហើយវាមានសមត្ថភាពខ្លាំងស្រូបយកពន្លឺនិងធ្វើឲ្យសាច់រូបភាពកាន់តែម៉ត់ល្អ ព្រមទាំងមានកាមេរ៉ាលេនទូលាយ8MP លេនម៉ាក្រូ2MPនិងលេនPortrait 2MP មិនត្រឹមតែធ្វើឲ្យអ្នកប្រើប្រាស់រីករាយនៅក្នុងពិភពម៉ាក្រូនោះទេ ថែមទាំងអាចចាប់យកនូវរូបភាពដែលមានភាពច្នៃប្រឌិតជាច្រើនផងដែរ។

ក្រៅពីនេះ realme 7 Pro មានមុខងារPro NightScape Mode , វីដេអូNightScape Mode និងមុខងារ Starry Mode ជាដើម ថែមទាំងមានNight filters ធ្វើអោយអ្នកប្រើប្រាស់អាចចាប់យករូបភាពស្រស់ស្អាតនាពេលរាត្រីបានយ៉ាងងាយស្រួល។ realme 7 Pro ថែមទាំងមានបំពាក់កាមេរ៉ា selfie 32MP មិនថាស្ថិតក្នុងទីភ្លឺឬទីងងឹត ធានាបានថានឹងទទួលបានការ Selfie ដែលស្អាតបំផុត។

បទពិសោធន៍មើលឃើញកាន់តែឥតខ្ជោះ អេក្រង់ Super AMOLED + កម្រិតអេក្រង់90Hz

សម្រាប់បទពិសោធន៍មើលឃើញ realme បានប្រើប្រាស់អេក្រង់6.4អ៊ីញFHD ដែលលាតសន្ធឹង90.8%នៃតួរខ្លួនស្មាតហ្វូន ជាមួយអេក្រង់Super AMOLED មិនថាមើលភាពយន្តឬមើលព័ត៌មាន សុទ្ធតែអាចធ្វើឲ្យអ្នកមើលឃើញចំណុចល្អិតកាន់តែច្រើន ពណ៌កាន់តែច្បាស់។ realme 7 មានកម្រិតអេក្រង់90Hz មិនថាលេងFacebook មើលវីដេអូឬក៏លេងហ្គេម អ្នកនឹងទទួលបានបទពិសោធន៍មើលឃើញយ៉ាងរលូន។

សម្រាប់រចនាបថខាងក្រៅ realme មានការរចនារូបរាងស្អាត ហើយការបំផុសគំនិតនេះ គឺទទួលបានមកពីកញ្ជក់ ម៉ូឌែលនីមួយៗ សុទ្ធតែមានពីរពណ៌សម្រាប់ជ្រើសរើស គឺ ពណ៌ប្រាក់ (Mirror Silver) និង ពណ៌ខៀវ (Mirror Blue)

ក្នុងនាម realme ជាក្រុមហ៊ុនបច្ចេកវិទ្យា ដែលមានស្មារតីហ៊ានឆ្ពោះទៅមុខ ដូច្នេះ realme 7 series បានបំពាក់បច្ចេកវិទ្យាលំដាប់Flagshipជាច្រើននៅលើវា និងជាជម្រើសស្មាតហ្វូនល្អបំផុតក្នុងជួរតម្លៃនេះ។ ចាប់ពីថ្ងៃនេះរាល់ការកម្ម៉ងrealme 7 series នៅតាមបណ្តាហាងទាំងអស់មិនត្រឹមតែអាចទទួលបានកាដូបន្ថែមនោះទេ ថែមទាំងទទួលបានកាដូកាបូបកីឡាយួរដៃថែមទៀតផង ហើយនឹងដាក់លក់ផ្លូវការនៅថ្ងៃទី9ខែតុលានេះហើយ៕

អត្ថបទពាណិជ្ជកម្ម

Related Topics:អត្ថបទពាណិជ្ជកម្ម