ចរាចរណ៍

ម៉ូតូ២គ្រឿង បុកគ្នាលាន់ដូចរន្ទះ ស្ត្រីម្នាក់របួសធ្ងន់បញ្ជូនទៅសង្គ្រោះនៅមន្ទីរពេទ្យមិនដឹងថា ស្លាប់ ឬ រស់

បានផុស

៤ years មុន

នៅ

ថ្ងៃចន្ទ ១០ ឧសភា ២០២១

ដោយ

បន្ទាយមានជ័យ ៖ ម៉ូតូ២គ្រឿងបុកគ្នាលាន់ដូចរន្ទះ បណ្ដាលឲ្យស្ត្រីម្នាក់របួសធ្ងន់បញ្ជូនទៅសង្គ្រោះនៅមន្ទីរពេទ្យមិនដឹងថា ស្លាប់ ឬ រស់ កាលពីវេលាម៉ោង៥និង៣០នាទីល្ងាចថ្ងៃទី៩ខែឧសភា ឆ្នាំ២០២១ នៅលើកំណាត់ផ្លូវជាតិលេខ៥៦A ខាងត្បូងក្លោងទ្វារវត្តថ្មពួកចម្ងាយ៧០០ម៉ែត្រ ស្ថិតក្នុងភូមិគំរូ ឃុំគំរូ ស្រុកថ្មពួក ខេត្តបន្ទាយមានជ័យ។

នគរបាលស្រុកថ្មពួក បានឲ្យដឹងបន្តទៀតថា ជនរងគ្រោះមានឈ្មោះធី ស្រីណែត ភេទស្រី អាយុ២៩ឆ្នាំ រស់នៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ។ នគរបាលស្រុកថ្មពួកបានបញ្ជាក់ឲ្យដឹងបន្តទៀតថា មុនពេលកើតហេតុនោះ ជនរងគ្រោះបានជិះម៉ូតូម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាកលេខប.មានជ័យ 1J-2582។

ចំណែកម៉ូតូម្ខាងទៀតម៉ាកហុងដាឌ្រីមC125 ពណ៌ខ្មៅ ពាក់ស្លាកលេខ បាត់ដំបង1N-6724 អ្នកបើកមានឈ្មោះហេង លីហុង ភេទប្រុស អាយុ១៧ឆ្នាំ រស់នៅភូមិគំរូ ឃុំគំរូ ស្រុកថ្មពួក ខេត្តបន្ទាយមានជ័យ ពីត្បូងទៅជើង ពេលបើកមកដល់ចំណុចកើតហេតុបានប្តូរគន្លងផ្លូវបត់ឆ្វេងមិនបានប្រយ័ត្នស្របពេលនោះក៏ត្រូវម៉ូតូស្ត្រីរងគ្រោះមកពីក្រោយក្នុងល្បឿនលឿនចាប់ហ្វ្រាំងមិនទាន់ក៏បុកចំគូទម៉ូតូបណ្តាលឲ្យម៉ូតូដួលស្ត្រីរបួសធ្ងន់ក្រោយពីកើតហេតុហើយត្រូវបាននគរបាលដឹកបញ្ជូនទៅសង្គ្រោះនៅមន្ទីរពេទ្យបង្អែកស្រុកថ្មពួក តែដោយអាការៈរបួសធ្ងន់ធ្ងរពេក ត្រូវបានបញ្ជូនទៅមន្ទីរពេទ្យបង្អែកខេត្តមិត្តភាពកម្ពុជា-ជប៉ុន នៅស្រុកមង្គលបូរី។ វត្ថុតាងម៉ូតូទាំង២គ្រឿង ត្រូវបានសមត្ថកិច្ចជំនាញយក មករក្សាទុក នៅអធិការដ្ឋាននគរបាលស្រុកថ្មពួក រង់ចាំធ្វើការដោះស្រាយនៅពេលក្រោយ៕

ដោយ ៖ វ៉ាន់ណាង

Related Topics:គ្រោះថ្នាក់ចរាចរណ៍