ចរាចរណ៍

រថយន្តដឹកកម្មករមួយគ្រឿងបើករអិលធ្លាក់ផ្លូវ នៅស្រុកសាមគ្គីមានជ័យ របួសកម្មករ ៤៦នាក់

បានផុស

៤ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

រថយន្តដឹកកម្មករមួយគ្រឿង ដោយសារតែអ្នកបើកបរខ្វះការប្រុងប្រយ័ត្ន បានរអិលធ្លាក់ផ្លូវ រងរបួសកម្មការនីចំនួន៤៦នាក់ ក្នុងនោះម្នាក់រងរបួសធ្ងន់។ ហេតុការណ៍គ្រោះថ្នាក់ចរាចរណ៍នេះ កើត ឡើងនៅប្រមាណម៉ោង៦ព្រឹកថ្ងៃទី១៣ ខែឧសភា ឆ្នាំ២០២១ លើផ្លូវក្រាលកៅស៊ូលេខ១៣៧ ស្ថិតក្នុងភូមិក្រសាំងពុល ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានមូលដ្ឋានបានឲ្យដឹងថា រថយន្តបង្កម៉ាក HYU NDAI ពណ៌ស ពាក់ស្លាកលេខ ភ្នំពេញ 3D-5860 អ្នកបើកបរឈ្មោះ ឈឿន ឆុន ភេទប្រុស អាយុ៣៥ឆ្នាំ រស់នៅភូមិក្ងោកពង់ ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង ( រត់គេចខ្លួនពីកន្លែងកើតហេតុ) ដោយបានបើក បរក្នុងទិសដៅពីលិច ទៅកើតលុះមកដល់ចំណុចខាងលើ បានរេចង្កូតធ្លាក់ផ្លូវទៅខាងឆ្វេង បណ្តាលឲ្យកម្មការនីរោងចក្ររងរបួសចំនួន៤៦នាក់ ក្នុងនោះ១នាក់របួសធ្ងន់។

សមត្ថកិច្ចបានឲ្យដឹងទៀតថា មធ្យោបាយបង្កត្រូវបានយកមករក្សាទុក្ខនៅប៉ុស្តិ៍នគរបាលរដ្ឋបាលស្វាយ ដើម្បីកសាងសំណុំរឿងចាត់ការទៅតាមនីតិវិធី។ ចំណែកកម្មការិនីម្នាក់ ដែលរងរបួសធ្ងន់ត្រូវបានបញ្ជូនទៅកាន់មណ្ឌលសុខភាពដើម្បីសង្គ្រោះបន្ទាន់៕

អត្ថបទ៖ ឈៀងថារិទ្ធ

សូមចុចអាន៖ មួយសប្តាហ៍ ពលរដ្ឋ៨២៧នាក់ ល្មើសបម្រាមគោចរម៉ោង៨យប់ដល់ម៉ោង៣ទៀបភ្លឺ