ចរាចរណ៍

រថយន្តសណ្តោងទូកុងតឺន័រ បើកបុករបាំងថ្មពុះចែកទ្រូងផ្លូវ៤កង់ រងការខូចខាត

បានផុស

៤ years មុន

នៅ

ថ្ងៃចន្ទ ១៧ ឧសភា ២០២១

ដោយ

រថយន្តសណ្តោងទូកុងតឺន័រ របស់ក្រុមហ៊ុន ផែស្ងួតតេងឡាយមួយគ្រឿង បើកក្នុងល្បឿនលឿនជ្រុលទៅ បុកក្បាលនាគពុះចែកទ្រូងផ្លូវ ពេញទំហឹងបណ្ដាលឲ្យបាក់អស់ចំនួន ៤ កង់ រងការខូចខាតចំណែករថយន្តខូចខាតផ្នែកខាងមុខស្ទើរទាំងស្រុង សំណាងមិនមានមនុស្សរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោងម៉ោង៤ និង៤០នាទីទៀបភ្លឺ ថ្ងៃទី១៧ ខែឧសភា ឆ្នាំ២០២១ ស្ថិតតាមបណ្ដោយផ្លូវជាតិលេខ៥ ក្នុងភូមិស្វាយប៉ាក់ សង្កាត់ស្វាយប៉ាកខណ្ឌឫស្សីកែវ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្ត សណ្តោងទូកុងតឺន័រមួយគ្រឿង ម៉ាកFUSO ពាក់ស្លាកលេខភ្នំពេញ3C-0635 ជារថយន្តរបស់ក្រុមហ៊ុន ផែស្ងួតតេងឡាយ បានធ្វើដំណើរតាមផ្លូវជាតិលេខ៥ ក្នុងទិសដៅពីជើងទៅត្បូង ក្នុងល្បឿនលឿន ខណៈពេលមកដល់ចំណុចកើតហេតុ ក៏ជ្រុលចង្កូតទៅបុកក្បាលនាគពុះចែកទ្រូងផ្លូវ ពេញទំហឹងបណ្ដាលឲ្យបែកខ្ទាតចេញពីកន្លងជួរ ចំនួន៤កង់ ចំណែករថយន្តរងការខូចខាតដាច់កង់មុខទាំងពីរ រួមទាំងផ្នែកខាងមុខទៀតស្ទើរតែទាំងស្រុង តែមិនបណ្តាលឲ្យនរណាម្នាក់រងរបួសនោះទេ បន្ទាប់ មក តៃកុងរថយន្តបានចុះពីលើរថយន្ត ហើយរត់គេចខ្លួនបាត់ស្រមោលពីកន្លែងកើតហេតុ។

ក្រោយពេលកើតហេតុ កម្លាំងសមត្ថកិច្ចមូលដ្ឋាន រួមកម្លាំងសមត្ថកិច្ចជំនាញ ចុះមកដល់ចំណុចកើតហេតុ រួចធ្វើការវាស់វែង យករថយន្តទៅរក្សាទុកនៅការិយាល័យចរាចរណ៍ផ្លូវគោក ដើម្បីដោះស្រាយសងការខូចខាតទ្រព្យសម្បត្តិរដ្ឋ៕

អត្ថបទ៖ សុខា

សូមចុចអាន៖

Related Topics:គ្រោះថ្នាក់ចរាចរណ៍