ចរាចរណ៍

ម៉ូតូព្រលះគ្នាទាំងព្រលឹម បណ្តាលឲ្យស្ត្រីលក់កាហ្វេម្នាក់ស្លាប់ភ្លាមៗ

បានផុស

៣ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

ស្ត្រីម្នាក់បានស្លាប់ភ្លាមៗនៅកន្លែងកើតហេតុ ខណៈពេលដែលជិះម៉ូតូ ដឹកកាហ្វេឆ្លងផ្លូវ ក៏ត្រូវម៉ូតូធន់ធំ (ស្ព័រ) បើកយ៉ាងលឿនបុកពាក់កណ្ដាលម៉ូតូពេញទំហឹងពីវេលាម៉ោង ០៦និង ៣០នាទីព្រឹកថ្ងៃទី ២០ខែឧសភា ឆ្នាំ ២០២១ចំណុចខាងមុខច្រកចូល ក្រសួងព័ត៌មាន ស្ថិតនៅតាមបណ្ដោយផ្លូវព្រះមុនីវង្ស ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះដែលស្លាប់នោះឈ្មោះ ទ្រី ស្រីលីន ភេទស្រី អាយុ២៥ឆ្នាំ មិនរបរលក់កាហ្វេ ស្នាក់នៅផ្ទះជួលម្តុំឫស្សីកែវ។ ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា ជារៀងរាល់ថ្ងៃគេឃើញ ស្ត្រីរងគ្រោះជិះម៉ូតូមួយគ្រឿងម៉ាកហុងដាស្កុបពីពណ៌ស ពាក់ស្លាកលេខ ភ្នំពេញ 1GQ-2244 បានដឹកកាហ្វេឲ្យភ្ញៀវ ដែលកុម្ម៉ង់តាមរយៈប្រព័ន្ធទូរសព្ទ នៅម្តុំមន្ទីរពេទ្យជប៉ុន ដោយបានធ្វើដំណើរតាមបណ្ដោយផ្លូវព្រះមុនីវង្ស បានឆ្លងផ្លូវព្រះមុនីវង្ស ដោយខ្វះការប្រុងប្រយ័ត្ន បានពាក់កណ្តាលផ្លូវក៏ស្រាប់តែមាន បុរសម្នាក់ដែលបើកម៉ូតូធន់ធំ (ស្ព័រ) មួយគ្រឿង ម៉ាក់ កាវ៉ាសាគី Z1000 ពណ៌បៃតង ពាក់ស្លាកលេខ ភ្នំពេញ 1HW-0909 ធ្វើដំណើរតាមបណ្ដោយផ្លូវព្រះមុនីវង្ស ទិសដៅពីជើងទៅត្បូង ក្នុងល្បឿនលឿន ដោយខ្វះការប្រុងប្រយ័ត្ន និងបានបើកបុកម៉ូតូស្កុបពី ពាក់កណ្ដាលម៉ូតូពេញទំហឹង បណ្ដាលឲ្យស្ត្រីអ្នកលក់កាហ្វេ បោកក្បាល និង ថ្នល់ស្លាប់ភ្លាមៗតែម្តង។ ចំណែកបុរសម្ចាស់ម៉ូតូធន់ធំ រងរបួសស្រាលត្រូវបានសមត្ថកិច្ចឃាត់ខ្លួនយកទៅប៉ុស្តិ៍នគរបាលវត្តភ្នំ។

ក្រោយពេលកើតហេតុកម្លាំងសមត្ថកិច្ចជំនាញ បានចុះនៅទីតាំងកើតហេតុយើងបានធ្វើការវាស់វែងយកម៉ូតូទាំងពីរគ្រឿង ទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីធ្វើការដោះស្រាយនៅពេលក្រោយ។ ចំណែកសពស្ត្រីរងគ្រោះ ត្រូវបានក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ៖ រស្មី

សូមចុចអាន៖ ម៉ោង ៥ ទៀបភ្លឺថ្ងៃនេះខេត្តតាកែវបិទភូមិចំនួន៤ ព្រោះផ្ទុះកូវីដ១៩ពាក់ព័ន្ធច្រើនគ្នា

Related Topics:គ្រោះថ្នាក់ចរាចរណ៍