ចរាចរណ៍

រថយន្ដមួយគ្រឿងបុករះម៉ូតូនិងរថយន្ត បណ្ដាលឲ្យស្លាប់៣នាក់

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

មនុស្ស៣នាក់បានស្លាប់ភ្លាមៗនៅនឹងកន្លែងកើតហេតុបន្ទាប់ពីមានរថយន្តមួយគ្រឿងបានបោះពួយយ៉ាងលឿនបុករះម៉ូតូមួយគ្រឿង រួចជ្រុលទៅបុកនឹងរថយន្តមួយគ្រឿងទៀត ដោយអ្នកបើកបរគេចខ្លួនបាត់ស្រមោល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សុខ សារិន អធិការនគរបាលស្រុកបវេលបានបញ្ជាក់ថា ហេតុការណ៍ដ៏រន្ធត់នេះ បានកើតឡើងកាលពីថ្ងៃទី២៤ ខែឧសភា ឆ្នាំ២០២១វេលាម៉ោង៥និង៤០នាទីល្ងាច លើកំណាត់ ផ្លូវ៥៧B ក្នុងក្រុមទី៦ ភូមិស្វាយជ្រុំ ឃុំបវេល ស្រុកបវេល ខេត្តបាត់ដំបង ដែលបង្កឡើងដោយ រថយន្តម៉ាក លុចស៊ីសLS៤០០ ពណ៌ខ្មៅ ពាក់ស្លាកលេខ ភ្នំពេញ២AX៩៣៩៦(អ្នកបើកបរ រត់បាត់)បុកម៉ូតូម៉ាកហុងដាC125ពណ៌ខ្មៅផ្លាកលេខ១P៤៦២៦បប ចំពីក្រោយ បើកបរដោយឈ្មោះ រ៉ាន សាន់ ភេទស្រីអាយុ១៨ឆ្នាំ នៅភូមិដូនអាវ ឃុំបវេល (ស្លាប់នៅកន្លែងកើតហេតុ) និងអ្នករួមដំណើរឈ្មោះ អ៊ុល សេង ភេទស្រីអាយុ១៦ឆ្នាំនៅភូមិដូនអាវ ឃុំបវេល (ស្លាប់នៅកន្លៃងកើតហេតុ)។

លោកអធិការបានបន្តថា ភ្លាមៗនោះរថយន្តបង្ក បានជ្រុលទៅបុកនឹងរថយន្តម៉ាក នីសាន់ពណ៌ក្រហម ពាក់ស្លាកលេខ ប៉ៃលិន២A០៨៧៧ បើកបរដោយឈ្មោះ កឹម គឹមនិត ភេទប្រុស អាយុ៥៥នៅភូមិទំនប់ទឹក ឃុំបវេល រងរបួសធ្ងន់ នឹងអ្នករួមដំណើរ ឈ្មោះកុយ អេង ស្រីអាយុ៥២ឆ្នាំនៅភូមិបវេល១ ឃុំបវេល (ស្លាប់នៅកន្លែងកើតហេតុ។

បច្ចុប្បន្ន សពបានប្រគល់ឲ្យសាច់ញាតិយកទៅធ្វើបុណ្យតាមប្រពៃណី ដោយឡែកមធ្យោបាយទាំង៣គ្រឿងក៏បានយកទៅរក្សាទុកអធិការដ្ឋាននគរបាលស្រុកជាបណ្តោះអាសន្ន រង់ចាំស្រាវជ្រាវរកអ្នកបើកបរដែលបង្កហេតុ ឲ្យចូលខ្លួនមកដោះស្រាយតាមផ្លូវច្បាប់៕

អត្ថបទ ៖ សោ និយមរ័ត្ន