ចរាចរណ៍

រថយន្តកូរ៉េបើកសុខៗដាច់កង់ក្រោយ ខ្ទាតទៅបុកម៉ូតូមួយគ្រឿង បណ្តាលឲ្យដួលស្លាប់បុរសម្នាក់

បានផុស

៤ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

រថយន្តកូរ៉េដឹកកម្មកររោងចក្រមួយគ្រឿង ខណៈបើកសុខៗស្រាប់តែដាច់កង់ក្រោយខ្ទាតមកបុកម៉ូតូមួយគ្រឿងបើកបរដោយបុរសម្នាក់ ដែលធ្វើដំណើរបញ្ច្រាសទិសគ្នាបណ្តាលឱ្យដួលបោកក្បាលស្លាប់ភ្លាមៗនៅកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើបង្កការភ្ញាក់ផ្អើលកាលពីវេលាម៉ោង៦ និង៣០នាទី ព្រឹកថ្ងៃទី២៩ ខែឧសភា ឆ្នាំ២០២១ ស្ថិតនៅតាមបណ្ដោយផ្លូវជាតិលេខ៣ មុខសាលាពងទឹក ក្នុងសង្កាត់ប្រទះឡាង ខណ្ឌកំបូល រាជធានីភ្នំពេញ។ សពរងគ្រោះមាន ឈ្មោះ បូ ចាន់នី មុខរបរកម្មករសំណង់ អាយុ២៩ឆ្នាំ ស្នាក់នៅបន្ទប់ជួលភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មាននៅទីតាំងកន្លែងកើតហេតុបានឲ្យដឹងថា មុនពេលកើតហេតុជនរងគ្រោះបានចេញពីបន្ទប់ជួលទៅកន្លែងធ្វើការដោយធ្វើដំណើរដោយម៉ូតូហុងដាវ៉េវពណ៌ក្រហមពាក់ស្លាកលេខ ព្រៃវែង 1I-5087 ដែលធ្វើដំណើរក្នុងទិសដៅពីជើងទៅត្បូង ខណៈមកដល់ចំណុចកើតហេតុមានរថយន្តកូរ៉េពណ៌សមួយគ្រឿង ដែលពាក់ស្លាកលេខ ភ្នំពេញ 2AS-03 46 ធ្វើដំណើរបញ្ច្រាសទិស ស្រាប់តែរថយន្តខាងលើបានដាច់កង់ខាងក្រោយចំហៀងខាងឆ្វេងបណ្ដាលឱ្យខ្ទាតទៅបុកម៉ូតូជនរងគ្រោះ កំពុងតែជិះម៉ូតូបណ្ដាលឱ្យដួលបោកក្បាលស្លាប់ភ្លាមៗនៅនឹងកន្លែងតែម្ដង ភ្លាមនោះម្ចាស់រថយន្តបានចុះពីលើរថយន្តគេចខ្លួនបាត់បន្សល់ទុកនៅនៅកន្លែងកើតហេតុ។

ក្រោយពេលកើតហេតុសមត្ថកិច្ចជំនាញបានចុះដល់ទីតាំងកន្លែងកើតហេតុនឹងទាក់ទងទៅសាច់ញាតិរបស់ជនរងគ្រោះ ដើម្បីយកទៅធ្វើបុណ្យតាមប្រពៃណី ចំណែករថយន្តនិងម៉ូតូ ត្រូវបានកម្លាំងជំនាញចរាចរណ៍យកទៅរក្សាទុកដើម្បីរង់ចាំការដោះស្រាយគ្នានៅពេលក្រោយ៕

អត្ថបទ៖ សុខា

សូមចុចអាន៖ រថយន្តកាមរីបើកឆ្លងផ្លូវដែកត្រូវរថភ្លើងបុករងការខូចខាតតែមិនមានរបួសដល់មនុស្ស

Related Topics:គ្រោះថ្នាក់ចរាចរណ៍