ចរាចរណ៍

សង្ស័យស្រវឹងស្រា បុរសជនជាតិចិនបើករថយន្តធ្លាក់ចូលច្រាំងទន្លេក្រោមស្ពានជ្រោយចង្វារ

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

បុរសជនជាតិចិនម្នាក់បើករថយន្តក្នុងល្បឿនលឿនសង្ស័យស្រវឹងរេចង្កូតធ្លាក់ចូលច្រាំងទន្លេក្រោមស្ពានជ្រោយចង្វារ សំណាងល្អមិនធ្លាក់ដល់ទឹក និងមិនរបួសដល់មនុស្ស។

ហេតុការណ៍នេះបានកើតឡើងកាលពីម៉ោង២និង២០នាទីរំលងអាធ្រាត្រ ឈានចូលថ្ងៃទី៧ ខែមិថុនា ឆ្នាំ២០២១ ស្ថិតនៅតាមបណ្ដោយផ្លូវបេតុង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា នៅមុនពេលកើតហេតុគេឃើញរថយន្តម៉ាកតូយ៉ូតាព្រូស ពណ៌ផ្ទៃមេឃ ពាក់ស្លាកលេខភ្នំពេញ 2AP-4985 បើកបរដោយបុរសជនជាតិចិនម្នាក់ ធ្វើដំណើរតាមបណ្តោយផ្លូវបេតុង ក្នុងទិសដៅពីកើតមកលិច ក្នុងល្បឿនលឿន មិនប្រយ័ត្ន បានរេចង្កូតធ្លាក់ចូលច្រាំងទន្លេ ចំណុចក្រោមស្ពានជ្រោយចង្វារ សំណាងមិនធ្លាក់ដល់ទឹកនិងមិនរងរបួសដល់មនុស្ស។

បន្ទាប់ពីកើតហេតុសមត្ថកិច្ចមូលដ្ឋាន បានចុះមកដល់កន្លែងកើតហេតុ ដោយពិនិត្យជុំវិញកន្លែងកើតហេតុមិនប៉ះពាល់ដល់ទ្រព្យសម្បត្តិរដ្ឋ ក៏ឲ្យម្ចាស់ស្ទូចរថយន្តយកទៅជួសជុលដោយខ្លួនឯង៕

អត្ថបទ ៖ សុខា

Related Topics:ជនជាតិចិន