ចរាចរណ៍

បើកលឿនមិនប្រយ័ត្ន រេចង្កូតបុកផ្ទប់ឃឿនថ្មទាំងកំរោល

បានផុស

៤ years មុន

នៅ

ថ្ងៃចន្ទ ១៤ មិថុនា ២០២១

ដោយ

រថយន្តកាមរីហាយប្រ៊ីតមួយគ្រឿង បើកលឿនមិនប្រយ័ត្នជ្រុលរេចចង្កូតបុកឃឿនថ្ម បណ្តាលឲ្យរងការខូចខាតរថយន្តយ៉ាងដំណំ បង្កឲ្យមានការភ្ញាក់ផ្អើលឡើងកាលពីវេលាម៉ោង២៣និង០០នាទីយប់ថ្ងៃទី១២ ខែមិថុនា ឆ្នាំ២០២១ ស្ថិតតាមបណ្តោយផ្លូវព្រះមុន្នីវង្ស ចំណុចច្រមុះជ្រូកក្បាលថ្នល់ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។រថយន្តបង្កម៉ាក កាមរីហាយប្រ៊ីតខាងលើ មានពណ៌ខ្មៅ ពាក់ស្លាកលេខ ភ្នំពេញ 2F-6118 ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានឲ្យដឹងថា នៅមុនពេលកើតហេតុ រថយន្តខាងលើបើកបរដោយបុរស់ម្នាក់ ធ្វើដំណើរតាមបណ្តោយផ្លូវព្រះមុន្នីវង្ស ក្នុងទិសដៅពីលិចទៅកើត ឆ្ពោះសំដៅឡើងទៅច្រមុះជ្រូកក្បាលថ្នល់ ក្នុងល្បឿនលឿន។ ខណៈដល់ចំណុចកើតហេតុ មិនដឹងថារថយន្តជួបនឹងឧបសគ្គអ្វីស្រាប់តែរេចង្កូតបុកផ្ទប់ឃឿនថ្ម ចំណុចច្រមុះជ្រូកទាំងកំរោលតែម្តង បណ្តាលឲ្យផ្នែកខាងមុខ នៃរថយន្តត្រូវរងការខូចខាតធ្ងន់ធ្ងរ។ ចំណែកឃឿនថ្ម ត្រូវបែករងការខូចខាតអស់មួយចំនួនផងដែរ ។

ភ្លាមៗ បន្ទាប់ពីកើតហេតុ បុរសជាអ្នកបើករថយន្តបង្ក បានបើកទ្វាររត់គេចចេញពីកន្លែងកើតហេតុ បាត់។ ដោយឡែករថយន្ត ត្រូវបានកម្លាំងសមត្ថកិច្ចមូលដ្ឋាន សហការជាមួយជំនាញ ចុះវាស់វែង អូសយកទៅរក្សាទុក នៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយទៅតាមផ្លូវច្បាប់នៅពេលក្រោយ៕

អត្ថបទ ៖ លីហេង