ចរាចរណ៍

Breaking News៖ រថយន្តកុងតឺន័រ២គ្រឿងបុកគ្នាស្លាប់អ្នកបើកបរម្នាក់

បានផុស

៤ years មុន

នៅ

ថ្ងៃសុក្រ ១៨ មិថុនា ២០២១

ដោយ

គ្រោះថ្នាក់ចរាចររវាងរថយន្តកុងតឺន័រ២គ្រឿងបុកគ្នាបណ្ដាលឱ្យ តៃកុងម្នាក់ស្លាប់បាត់បង់ជីវិត ស្ថិតនៅបណ្ដោយផ្លូវជាតិលេខ៤ ស្ថិតក្នុង ភូមិបឹងត្រាច ឃុំចំការហ្លួង ស្រុកកំពង់សិសា ខេត្តព្រះសីហនុ នៅម៉ោង ៦៖៣៥ នាទី ព្រឹកថ្ងៃទី ១៨ ខែមិថុនានេះ។

ក្រោយកើតហេតុភ្លាមគេឃើញកម្លាំងសមត្ថកិច្ចបានចុះទៅដល់កន្លែងកើតហេតុដើម្បីការពារនិងជួយសម្រួលចរាចរណ៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថាករណីនេះបានកើតឡើង រវាង រថយន្តផ្ទុកកុងទីន័រក្បាលពណ៌សលាយបៃតង និងរថយន្តផ្ទុកកុងទីន័រ ពណ៌ស ក្នុងទិសដៅពីបញ្ច្រាសទិសគ្នា។

បុរសរងគ្រោះដែលស្លាប់ឈ្មោះ លី រ៉ាវី អាយុ ៣៣ឆ្នំា មានទីលំនៅ ឃុំជីរោទ៍ ស្រុកត្បូងឃ្មុំ ខេត្តត្បូងឃ្មុំ ស្លាប់នៅនឹងកន្លែង ហេីយអ្នករួមដំណេីរក្នុងរថយន្តHINO ចំនួន ២នាក់រងរបួសមានឈ្មោះ ១-ឆាយ ឡែន ភេទស្រី អាយុ៣៥ឆ្នំា មានទីលំនៅខេត្តព្រៃវែង រងរបួសស្រាល ត្រូវជាប្រពន្ធអ្នកបេីកបរខាងលេី។ ២-ឯល សុខហេង ភេទប្រុស អាយុ ១៦ឆ្នំា មានទីលំនៅខេត្តព្រៃវែង រងរបួសស្រាល។ អ្នករងរបួសទាំងពីរត្រូវបានបញ្ចូនទៅព្យាបាលនៅមន្ទីរពេទ្យបង្អែកស្រុកស្រែអំបិល។

បច្ចុប្បន្នកម្លាំងសមត្ថកិច្ចកងរាជអាវុធហត្ថស្នាក់ការសន្តិសុខ៤០២សហការជាមួយកម្លាំងអធិការនគរបាលស្រុកកំពង់សិលា បានការពារនៅទីតាំងកើតហេតុ និងរៀបចំសណ្តាប់ធ្នាប់សម្រួលចរាចរណ៍ឱ្យអ្នកដំណើរឆ្លងកាត់៕