ចរាចរណ៍

មនុស្ស៥នាក់ បានរងរបួសបន្ទាប់ពីម៉ូតូបុកគ្នា នៅស្រុកអណ្តូងមាស

បានផុស

៤ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

មនុស្ស៥នាក់ បានរងរបួសធ្ងន់ស្រាល ខណៈម៉ូតូ២គ្រឿងបុកគ្នាយ៉ាងពេញទំហឹង ក្នុងទិសដៅបញ្ច្រាសគ្នា។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១៧និង៤៥នាទី កាលពីថ្ងៃទី៧ ខែកក្កដា ឆ្នាំ២០២១ នៅលើផ្លូវលេខ៣៧៨៩ ត្រង់ចំណុចមុខផ្ទះឈ្មោះរម៉ាម យ៉ាន់ ស្ថិតនៅក្នុងភូមិលោម ឃុំម៉ាលិក ស្រុកអណ្តូងមាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពីនគរបាលស្រុកអណ្តូងមាសបានឲ្យដឹងថា អ្នករងរបួសទាំងនោះរួមមាន ១-ឈ្មោះ យ៉ុង ហ៊ុន ភេទប្រុស អាយុ៣១ឆ្នាំ ជនជាតិខ្មែរ មានទីលំនៅភូមិលោម ឃុំម៉ាលិក ស្រុកអណ្តូងមាស ជាអ្នកបើកបរម៉ូតូម៉ាក វ៉េវឆ្លាម ពណ៌ខ្មៅ គ្មានស្លាកលេខ និងអ្នករួមដំណើរជាប្រពន្ធ ឈ្មោះ ក្លាន ឆើង អាយុ២៦ឆ្នាំ ជនជាតិច្រាយ បានធ្វើដំណើរ មកពីត្បូងទៅជើង នាក់ទាំង២បានរងរបួសធ្ងន់ធ្ងរ។

រីឯម៉ូតូភាគីម្ខាងទៀតឈ្មោះ ស៊ូ វុត្ថា ភេទប្រុស អាយុ២៩ឆ្នាំ ជនជាតិខ្មែរ មានទីលំនៅភូមិតាវែង ឃុំ តាវែងលើ ស្រុកតាវែង ខេត្តរតនគិរី បើកបរម៉ូតូ ម៉ាកហុងដាទ្រីម ស៊េរីឆ្នាំ2020 ពណ៌ខ្មៅ ពាក់ស្លាកលេខភ្នំពេញ1F-8388 និងអ្នករួមដំណើរចំនួន២នាក់ ប្រពន្ធនិងកូន ប្រពន្ធឈ្មោះ យិន ចាន់ស្រីមុំ អាយុ២៥ឆ្នាំ ជនជាតិខែ្មរ ធ្វើដំណើរ មកពីជើងទៅត្បូង នាក់ទាំង៣ បានរងរបួសធ្ងន់ចំនួន២នាក់ (ប្ដីនិងកូន)ចំណែកប្រពន្ធពុំមានរបួសទេ។ ម៉ូតូទាំង២គ្រឿងខាងលើនេះ បានរងការខូចខាតផ្នែកខាងមុខយ៉ាងដំណំ ហើយបានសមត្ថកិច្ចមូលដ្ឋានចុះមកអន្តរាគមន៍ធ្វើការវាស់វែង និងបានដឹកបញ្ជូនជនរងគ្រោះមកកាន់មណ្ឌលសុខភាពស្រុកអណ្តូងមាស ដើម្បីព្យាបាលរបួស។