ចរាចរណ៍

រថយន្តពីរគ្រឿងប្រលះគ្នាទាំងយប់ ឯមនុស្សកំពុងបញ្ជូនទៅមន្ទីរពេទ្យដើម្បីសង្គ្រោះ

បានផុស

៤ years មុន

នៅ

ថ្ងៃសុក្រ ៣០ កក្កដា ២០២១

ដោយ

គ្រោះថ្នាក់ចរាចរណ៍មួយ ស្នូរសំឡេងលាន់ឮដូចផ្ទុះគ្រាប់បែកទាំងយប់ងងឹត ខណៈដែលរថយន្ត២គ្រឿងបានប៉ះទង្គិចគ្នាយ៉ាងពេញទំហឹងរួចមក។ ហេតុការណ៍នេះ បានកើតឡើងកាលពីវេលាម៉ោង៨ និង៣០ នាទីយប់ កាលពីថ្ងៃទី២៩ ខែកក្កដា ឆ្នាំ២០២១ លើកំណាត់ផ្លូវជាតិលេខ៥ ក្នុងភូមិបេង ឃុំអន្លង់វិល ស្រុកសង្កែ ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនៅកន្លែងកើតហេតុបាននិយាយថា នៅពេលកើតហេតុនោះគេសង្កេតឃើញរថយន្តកាមរីបើកបរ ក្នុងទិសដៅពីលិចទៅកើត ដោយឡែករថយន្តសាំងយ៉ុងកូរេ គឺបើកបរក្នុងទិសដៅច្រាស់គ្នា ដោយរូបភាពជាក់ស្តែងគឺរថយន្តកាមរីបានបំពានទៅឆ្វេង ទើបបណ្តាលឲ្យមានបញ្ហាបែបនេះ។

ភ្លាមៗនោះដែរ ក៏មានការជួយអន្តរាគមន៍ពីសមត្ថកិច្ច ដោយបានបញ្ជូនមនុស្សក្នុងរថយន្តទាំងអស់ទៅកាន់មន្ទីរពេទ្យ ដើម្បីសង្គ្រោះដោយសារតែម្នាក់មានសភាពធ្ងន់ធ្ងរ រីឯអត្តសញ្ញាណក៏នៅមិនទាន់ស្គាល់នៅឡើយ៕