ចរាចរណ៍

រថយន្ត៣គ្រឿងបុកបន្តកន្ទុយគ្នា បញ្ចប់រឿងត្រឹមពាក្យសុំទោស

បានផុស

៣ years មុន

នៅ

ថ្ងៃចន្ទ ២៣ សីហា ២០២១

ដោយ

បុរសម្នាក់បេីករថយន្តធុនត្រាជ្រុលបុកគូទរថយន្តហាយឡែនឌ័រពីក្រោយរុញទៅបុករថយន្តFord មួយគ្រឿងទៀត បណ្តាលឱ្យរងការខូចខាតយ៉ាងដំណំតែសំណាងមិនមានមនុស្សរងរបួស។

ហេតុការណ៍នេះ បានកេីតឡេីងកាលពីវេលាម៉ោង៧យប់ ថ្ងៃទី២២ ខែសីហា ឆ្នាំ២០២១ នៅចំណុចមុខបុរីសែនមនោរម្យ តាមបណ្តោយផ្លូវជាតិលេខ៤ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តទាំង៣គ្រឿងធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីកេីតទៅលិច ខណៈមកដល់ចំណុចកេីតហេតុ ស្រាប់តែរថយន្តដែលបេីកខាងក្រោយគេ ម៉ាកធុនត្រា ពណ៌ស ពាក់ស្លាកលេខភ្នំពេញ2BI 8377 ជ្រុលបុកគូទរថយន្ត ហាយឡែនឌ័រ ពណទឹកប្រាក់ ពាក់ស្លាកលេខ ភ្នំពេញ2AN 3037 ភ្លាមនោះ រថយន្តហាយឡែនឌ័រក៏បន្តទៅ បុកគូទរថយន្តFord Ranger ពណ៌ស ពាក់ស្លាកលេខភ្នំពេញ2BK 4061 បណ្តាលឱ្យរងការខូចខាតទាំងសងខាង តែសំណាងមិនមានមនុស្សរងរបួសនោះទេ។

ក្រោយកេីតហេតុភាគីទាំងសងខាងបានសម្របសម្រួលគ្នា ដោយគ្រាន់តែសូមទោសក៏បញ្ចប់រឿងនៅកន្លែងកេីតហេតុ៕

អត្ដបទ ៖ សុខា