ចរាចរណ៍
រថយន្តស៊ីទែនដឹកប្រេងរបស់ក្រុមហ៊ុនសាវីម៉ិច ក្រឡាប់ធ្លាក់ផ្លូវសំណាងល្អមិនផ្ទុះឆេះ
កំពង់ឆ្នាំង ៖ រថយន្តដឹក ប្រេងសាំងនិងប្រេងម៉ាស៊ូត របស់ក្រុមហ៊ុនសាវីម៉ិច មួយគ្រឿងបានគេចពីម៉ូតូធ្លាក់ចេញពីផ្លូវក្រឡាប់បះជើង សំណាងល្អមិនផ្ទុះឆេះបង្កគ្រោះថ្នាក់ដល់អ្នក ធ្វើដំណើរ ។ ប៉ុន្តែក៏បណ្តាលឲ្យស្ទះ ចរាចរណ៍លើផ្លូវជាតិលេខ៥ជាង១ ម៉ោងផងដែរ។
ហេតុការណ៍គ្រោះ ថ្នាក់ខាងលើនេះបានកើតឡើងនៅវេលាម៉ោង១៥ រសៀល ថ្ងៃទី៣១ ខែ សីហា ឆ្នាំ២០២១ នៅលើកំណាត់ផ្លូវជាតិលេខ៥ ចំណុចមុខហាងមនោរម្យ ស្ថិតក្នុងភូមិទី ៨ សង្កាត់ខ្សាម ក្រុងកំពង់ឆ្នាំង។
លោកវរសេនីយ៍ឯក ឈឹម សារុន នាយការិយាល័យនគរបាលចរាចរណ៍ផ្លូវគោក ខេត្តកំពង់ឆ្នាំងបានឲ្យដឹងថា រថយន្តដឹកប្រេងរបស់ក្រុម ហ៊ុនសាវីម៉ិចខាងលើនេះ ពាក់ស្លាកលេខភ្នំពេញ 4A-2181 ដឹកប្រេងសរុបចំនួន ៣២.០០០ លីត្រ ក្នុងនោះមានប្រេងសាំង ១៦.០០០ លី ត្រ និងប្រេងម៉ាស៊ូត ១៦.០០០លីត្រ ធ្វើដំណើរពីក្រុងភ្នំពេញទៅកាន់ខេត្តបាត់ដំបង។
លុះមកដល់ចំណុចកើតហេតុស្រាប់តែមានម៉ូតូមួយគ្រឿង ដែលបានបើកបញ្ច្រាសទិសគ្នាយ៉ាងលឿន បានគេចចេញពីគូថរថយន្តតូចមួយគ្រឿងនៅពីមុខចូលមកចំណែកផ្លូវខាងស្ដាំរបស់រថយន្តដឹកប្រេង។
ខណៈនោះអ្នកបើកបររថយន្តដឹកប្រេង ក៏បានគេចមិនឲ្យបុកម៉ូតូនោះ បណ្ដាលឲ្យរថយន្តដឹកប្រេងរបស់ខ្លួនធ្លាក់ពីលើផ្លូវជាតិក្រឡាប់បះជើងនៅក្នុងប្រឡាយផ្នែកខាងស្ដាំដៃតែម្ដង សំណាងល្អមិនបណ្ដាលឲ្យផ្ទុះឆេះរថយន្តនិងប្រេងនោះឡើយ។
លោកឧត្តមសេនីយ៍ត្រី លុយ ឌីណា ស្នងការរងនគរបាលខេត្តកំពង់ឆ្នាំងដែលបានចុះដឹកនាំកម្លាំងសមត្ថកិច្ចអន្តរាគមន៍នៅកន្លែងកើតហេតុបានឲ្យដឹងថា ក្នុងហេតុការណ៍ខាងលើនេះសមត្ថកិច្ចបានប្រើប្រាស់រថយន្តពន្លត់អគ្គីភ័យចំនួន ៣ គ្រឿង ក្នុងនោះបានបាញ់ទឹកស្រោចលើរថយន្តស៊ីទែននោះ អស់ទឹក ២ រថយន្ត ដើម្បីទប់ស្កាត់គ្រោះអគ្គីភ័យយថាហេតុ។
ជាមួយគ្នានេះដែរ សមត្ថកិច្ចក៏បានផ្សព្វផ្សាយប្រជាពលរដ្ឋនៅជុំវិញកន្លែងកើតហេតុសុំបិទចរន្តអគ្គិសនីបណ្ដោះអាសន្នសិនដើម្បីទប់ស្កាត់គ្រោះអគ្គីភ័យ។ ក្នុងហេតុការណ៍នេះសមត្ថកិច្ចក៏បានជួយសម្រួលការធ្វើចរាចរណ៍ដែលបានកកស្ទះឲ្យវាងកន្លែងកើតហេតុជាង១ម៉ោងផងដែរ។
ដោយឡែកចំពោះរថយន្តស៊ីទែនក្រឡាប់នោះ សមត្ថកិច្ចនឹងសហការជាមួយក្រុមបច្ចេកទេសរបស់ក្រុមហ៊ុនមកពីក្រុងភ្នំពេញ ដើម្បីធ្វើការបូមប្រេងសាំង និងប្រេងម៉ាស៊ូតផ្ទេរដាក់រថយន្តស៊ីទែនមួយគ្រឿងផ្សេង ទៀតទាំងយប់ ដើម្បីសង្គ្រោះហេតុការណ៍ខាងលើនេះ និងដើម្បីជួយសម្រួលចរាចរលើផ្លូវជាតិលេខ៥ នៅក្នុងចំណុចកើតហេតុ ឲ្យមានដំណើរការល្អជាធម្មតាឡើងវិញ៕
ដោយ ៖ ឈៀងថារិទ្ធ
កម្ពុជាបានស្វាគមន៍ភ្ញៀវទេសចរអន្តរជាតិជាង ៦,៧ លាននាក់ កើនឡើងជិត ២៣% ក្នុងឆ្នាំ ២០២៤
ឧកញ៉ា ព្រាប សុវត្ថិ ប្រកាសទិញស្រូវពីកសិករ ៥០ តោន ជូនពលរដ្ឋមានជីវភាពខ្វះខាត
កម្លាំងប្រដាប់អាវុធថៃសម្លាប់អ្នករត់ពន្ធគ្រឿងញៀន៤នាក់ និងរឹបអូសថ្នាំញៀនជាង១តោននៅជិតព្រំដែនមីយ៉ាន់ម៉ា
តម្លៃសាច់ជ្រូកនឹងកើនឡើងបន្ដិច ក្នុងឪកាសនៃចូលឆ្នាំចិនខាងមុខនេះ
នាយករដ្ឋមន្ត្រីកូរ៉េខាងត្បូង Han Duck-soo អះអាងថា ច្បាប់អាជ្ញាសឹកគឺខុស
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
លើកដំបូង! អ៊ុយក្រែនបើកការវាយប្រហារទ្រង់ទ្រាយធំបំផុតលើរុស្ស៊ី
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៧ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ២២ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ចរាចរណ៍២ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ