ចរាចរណ៍

បើកម៉ូតូធំលឿនពេក បុកចូលផ្ទះលក់ភេសជ្ជៈ ស្លាប់ម្នាក់របួសស្រាលម្នាក់

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

អ្នកបើកបរម៉ូតូធំម្នាក់បានស្លាប់ និងម្ចាស់ផ្ទះបានរងរបួសស្រាល ខណៈដែលអ្នកបើកបរម៉ូតូធំ បានបើកបរក្នុងល្បឿនលឿនពេក ជ្រុលចង្កូតបុកចូលផ្ទះអ្នកលក់ភេសជ្ជៈ។ ហេតុការណ៍ខាងលើនេះ បានកើតឡើងនៅវេលាម៉ោង២១យប់ កាលពីថ្ងៃទី០៥ ខែកញ្ញា ឆ្នាំ២០២១ នៅស្ថិតនៅភូមិថ្នល់ ឃុំដារ ស្រុកកំពង់លែង ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលមូលដ្ឋានបានឲ្យដឹងថា ករណីគ្រោះថ្នាក់ចរាចរណ៍ខាងលើនេះ បង្កឡើងដោយឈ្នោះ សេង ដានី ភេទប្រុស អាយុ៣០ឆ្នាំ រស់នៅភូមិប្រដិន ឃុំសំប្រោជ ស្រុកស្ទោង ខេត្ដកំពង់ធំ បានជិះម៉ូតូម៉ាកCB 400CCពណ៌ខ្មៅ ស្លាកលេខភ្នំពេញ1GU.0261 បើកបរក្នុងទិសពីត្បូងទៅជើង ក្នុងល្បឿនយ៉ាងលឿន។ លុះមកដល់ចំណុចខាងលើ បានជ្រុលទៅបុកតូបលក់ភេសជ្ជៈ ចំកៅអីថ្ម បណ្ដាលឲ្យស្លាប់នៅនឹងកន្លែងកើតហេតុ ហើយម៉ូតូក៏បានជ្រុលប៉ះចំម្ចាស់តូបឈ្មោះ យ៉យ រ័ត្ន ភេទប្រុស អាយុ២៣ឆ្នាំ កំពុងអង្គុយលេងនៅក្នុងតូប បណ្ដាលឲ្យរងរបួសស្រាល។