គ្រោះថ្នាក់ចរាចរណ៍ឆក់ជីវិតអ្នកដំណើរ ១៩ នាក់ របួសជាង ៩០ នាក់ កំឡុងបុណ្យភ្ជុំបិណ្ឌ

នៅក្នុងកំឡុងបុណ្យភ្ជុំបិណ្ឌរយៈពេល៣ថ្ងៃ ដោយគិតចាប់ពីថ្ងៃទី០៥ ដល់ថ្ងៃទី០៧ ខែតុលា ឆ្នាំ២០២១ និង១ថ្ងៃក្រោយបុណ្យភ្ជុំបិណ្ឌ គឺថ្ងៃទី០៨ ខែតុលា ឆ្នាំ២០២១ (សរុប៤ថ្ងៃ) មានករណីគ្រោះថ្នាក់ចរាចរណ៍កើតឡើងចំនួន ៤៧ លើក ធ្វើអ្នកធ្វើដំណើរស្លាប់ចំនួន ១៩ នាក់ របួសសរុបចំនួន ៩២ នាក់ ក្នុងនោះមានរបួសធ្ងន់ចំនួន ៥៥ នាក់។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ។

លោកឧត្តមសេនីយ៍ឯក ឆាយ គឹមឃឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងថា ក្នុងរយៈពេល៤ថ្ងៃនេះ សមត្ថកិច្ចបានរកឃើញយានយន្តល្មើសច្បាប់ចំនួន ៥៥៨ គ្រឿង ក្នុងនោះម៉ូតូចំនួន ៣៥៧ គ្រឿង និងរថយន្តគ្រប់ប្រភេទចំនួន ២០១ គ្រឿង៕

អត្ថបទ៖ កោះកែវ