ចរាចរណ៍

នារីជនជាតិចិន បើករថយន្តបុកដើមឈើខ្ទេចមួយកំណាត់មុខ

បានផុស

៣ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

រថយន្តសេរីទំនើប១គ្រឿងដែលបើកបរដោយនារីជនជាតិចិនម្នាក់ដោយសារតែបើកលឿនពេកក៏ជ្រុលឡើងខឿនផ្លូវទៅបុកបង្គោលកៅឡាក់បាក់អស់៥ដើម រួចបន្តទៅបុកផ្ទប់ដើមឈើបណ្តាលឲ្យរថយន្តខ្ទេចមួយកំណាត់មុខសំណាងល្អមិនគ្រោះថ្នាក់ដល់មនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់ចរាចរណ៍នោះបានកើតឡើងកាលពីវេលាម៉ោង២១និង២០នាទីយប់ថ្ងៃទី២៧ ខែតុលា ឆ្នាំ ២០២១ ស្ថិតនៅតាមបណ្ដោយផ្លូវព្រះស៊ីសុវត្ថិ ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។

ប្រភពព័ត៌មានពីកន្លែងកើតហេតុ បានឱ្យដឹងថា មុនកើតហេតុគេបានឃើញរថយន្តម៉ាកអូឌីស៊េរីទំនើប ពណ៌សមួយគ្រឿងពាក់ផ្លាកលេខភ្នំពេញ 2AY-3765 បើកបរដោយនារីជនជាតិចិនម្នាក់ ធ្វើដំណើរតាមបណ្តោយផ្លូវព្រះស៊ីសុវត្ថិ ទិសដៅពីត្បូងមកជើងយ៉ាងលឿន ខណៈមកដល់ចំណុចកើតហេតុក៏រេចង្កូតឡើងលើខឿនផ្លូវ ទៅបុកនឹងបង្គោលកៅឡាក់បាក់៥ដើម រួចបន្តបុកផ្ទប់ដើមឈើរទៅមុខលែងរួចតែ សំណាងល្អមិនបង្កឲ្យមានមនុស្សរងរបួស នោះឡើយ។

ក្រោយកើតហេតុសមត្ថកិច្ចមូលដ្ឋាន បានចុះមកដល់រួចពិនិត្យឃើញថា មិនប៉ះពាល់ទៅដល់ទ្រព្យសម្បត្តិរដ្ឋ រួចបានឱ្យភាគីជនជាតិចិន បើករថយន្តបង្កធ្វើការដោះស្រាយ ជាមួយនឹងម្ចាស់ទីតាំងសងថ្លៃខូចខាតសម្ភារៈទាំងអស់ បញ្ចប់រឿងនៅកន្លែងកើតហេតុផងដែរ៕

អត្ថបទ៖ រស្មី