បុរសម្នាក់ប្រេីប្រាស់គ្រឿងញៀនដល់កម្រិត ទាញកាំបិតកាប់គេឯង ត្រូវពលរដ្ឋព្រួតវាយរបួសធ្ងន់

បុរសម្នាក់ដោយសារតែឥទ្ធិពល គ្រឿងញៀនធ្វេីឱ្យលែងស្គាល់ល្អអាក្រក់ទាញយកកាំបិតដេញកាប់ប្រជាពលរដ្ឋ និងប្រជាការពារម្នាក់របួសម្នាក់ទេីបធ្វេីឱ្យពលរដ្ឋទ្រាំលែងបានព្រួតវាយម្នាក់មួយដៃមួយជេីងបណ្តាលឱ្យរងរបួសធ្ងន់។

ហេតុការណ៍នេះបានកេីតឡេីងកាលពីវេលាម៉ោង ៨ យប់ ថ្ងៃទី ៥ ខែវិច្ឆិកា ឆ្នាំ២០២១ នៅចំណុចផ្លូវលេខ ២៧១ កែងផ្លូវ ១៨២ ក្នុងសង្កាត់ទឹកល្អកទី ៣ ខណ្ឌទួលគោក រាជធានីភ្នំពេញ។

តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ប្រដាប់ដោយកាំបិតប៉័ងតោមួយដេីមដេញកាប់ប្រជាពលរដ្ឋ និងអ្នកដំណេីរតាមដងផ្លូវបង្កឱ្យមានការភ្ញាក់ផ្អេីល ភ្លាមនោះកម្លាំងប្រជាការពារសង្កាត់ទឹកថ្លាបានចុះអន្តរាគមន៍តែត្រូវជននោះកាប់ប្រហារបណ្តាលឱ្យរងរបួសម្នាក់ ទេីបប្រជាពលរដ្ឋទ្រាំលែងបាននាំគ្នាដេញព្រួតវាយវិញរងរបួសធ្ងន់។

ក្រោយកេីតហេតុប្រជាការពារដែលរងរបួសរួមទាំងជនបង្កដែលត្រូវពលរដ្ឋព្រួតវាយឱ្យរបួសដែលនោះត្រូវបានបញ្ជូនទៅសង្គ្រោះនៅមន្ទីរពេទ្យ។

សមត្ថកិច្ចបញ្ជាក់ថា បុរសបង្កហេតុខាងលេី ជាមនុស្សអនាថា ដោយសារតែប្រេីប្រាស់សារធាតុញៀនដល់កម្រិតទេីបលែងស្គាល់ល្អអាក្រក់ ខុសនិងត្រូវបែបនេះ៕

អត្ថបទ៖សុខា