ចរាចរណ៍

បើករថយន្តមិនប្រយ័ត្នធ្លាក់ដុំថ្មលើរ៉ឺម៉ក(PASSAPP) របួស២នាក់

បានផុស

៣ years មុន

នៅ

ថ្ងៃសៅរ៍ ១៣ វិច្ឆិកា ២០២១

ដោយ

បុរសជាអ្នកបើករថយន្តដឹកថ្មម្នាក់ បានខ្វះការប្រុងប្រយ័ត្នធ្វើឲ្យដុំថ្មយ៉ាងធំ ធ្លាក់សង្កត់លើរ៉ឺម៉កកង់បីឥណ្ឌា(PASSAPP) បណ្ដាលឲ្យមនុស្ស២នាក់រងរបួសធ្ងន់ស្រាល កាលពីថ្ងៃទី១២ ខែវិច្ឆិកា ឆ្នាំ២០២១ នៅខេត្តក្រចេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់នេះ បានកើតឡើងនៅចំណុចផ្លូវកោង ភូមិអង្គ្រង ឃុំកន្ទួត ស្រុកចិត្របុរី លើផ្លូវជាតិលេខ7(ក្រចេះ-ស្នួល) ។បុរសជាអ្នកបើកបរ និងរថយន្តដឹកថ្មមួយគ្រឿង ត្រូវបានកម្លាំងនគរបាលស្រុកចិត្របុរី សហការជាមួយនគរបាលស្រុកស្នួល ស្រាវជ្រាវឃាត់ចាប់ឃាត់បាន បន្ទាប់ពីបង្កហេតុបើករថយន្តដឹកថ្មធ្វេសប្រហែសធ្លាក់ដុំថ្មលើផ្លូវមកប៉ះជាមួយPASSAPP ក្នុងទិសដៅបញ្ច្រាសគ្នា បណ្តាលឲ្យមនុស្សប្រុសស្រីពីរនាក់ ដែលធ្វើដំណើរលើPASSAPP រងរបួសធ្ងន់និងស្រាល។

អ្នកបើកបររ៉ឺម៉កឈ្មោះ ខេង អី អាយុ៣២ឆ្នាំ មានទីលំនៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ(រងបួសស្រាល)និងអ្នករួមដំណើរពីក្រោយឈ្មោះ សារី សំរោះ ភេទស្រី អាយុ១៨ឆ្នាំ មានទីលំនៅភូមិសំព័រ ឃុំសេដា ស្រុកតំបែរ ខេត្តត្បូងឃ្មុំ(របួសធ្ងន់)បានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តក្រចេះ៕