សន្តិសុខសង្គម

បុរសម្នាក់ បើកម៉ូតូលឿនទៅបុក រថយន្តចតចោលចំពីក្រោយ បណ្តាលឲ្យស្លាប់ ក្នុងឃុំស្រែណូយ

បានផុស

៣ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

មេឃកំពុងភ្លៀងខ្លាំង បុរសម្នាក់បានបើកម៉ូតូលឿនខ្វះការប្រុងប្រយ័ត្ន ជ្រុលទៅបុករថយន្តយីឌុប ដែលចតចោលចំពីក្រោយពេញទំហឹង បណ្តាលឲ្យស្លាប់នៅនឹងកន្លែង។ ហេតុការណ៍នេះ បានកើតឡើងនៅម៉ោង២០និង៣០នាទី កាលពីថ្ងៃទី១៥ ខែវិច្ឆិកា ឆ្នាំ២០២១ តាមបណ្តោយផ្លូវជាតិលេខ៦៧ ត្រង់ចំណុចចន្លោះគីឡូម៉ែត្រលេខ៧៧,៧៨ ស្ថិតក្នុងភូមិវត្ត ឃុំស្រែណូយ ស្រុកវ៉ារិន ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍មួយបានកើតឡើងរវាងរថយន្ត និងម៉ូតូម៉ាកហុងដាពណ៌ខ្មៅ ពាក់ស្លាកលេខកំពង់ចាម1T.1782 បើកបរដោយឈ្មោះ ធា គង់គា ភេទប្រុស អាយុ១៦ឆ្នាំ នៅភូមិវត្ត ឃុំស្រែណូយស្រុកវ៉ារិន ខេត្តសៀមរាប បើកបរក្នុងទិសដៅពីត្បូងទៅជើងទៅបុករថយន្តម៉ាក ហ៊ីហាន់ដាយ ពណ៌សប្រភេទដឹកទំនិញធន់ធំ ពាក់ស្លាកលេខ ត្បូងឃ្មុំ 3A-0052 បើកបរដោយឈ្មោះ សឿន គឹមសាន ភេទប្រុស អាយុ៣៥ ឆ្នាំ នៅភូមិសាម៉ ឃុំគងជ័យ ស្រុកអូររាំងឪ ខេត្តកំពង់ចាម រថយន្តឈប់នៅលើទ្រូងផ្លូវបែរក្បាលទៅជើង។ សមត្ថកិច្ចបន្ថែមថា ករណីនេះបណ្តាលឲ្យស្លាប់អ្នកបើកម៉ូតូ ម្នាក់ឈ្មោះ ធា គង់គា (មិនពាក់មួកសុវត្ថិភាព)ខូចម៉ូតូ(ធ្ងន់) និងរថយន្ត (ស្រាល)។

សមត្ថកិច្ចបញ្ជាក់ថា មូលហេតុនៃគ្រោះថ្នាក់នេះ គឺដោយសារមេឃធ្លាក់ភ្លៀងខ្លាំង ហើយបើកម៉ូតូក្នុងល្បឿនលឿន។ ក្រោយពេលកើតហេតុអ្នកបើកបររថយន្តរត់គេចខ្លួនបាត់។ កម្លាំងជំនាញកំពុងស្រាវជ្រាវ និងកសាងសំណុំរឿងតាមនីតិវិធីដើម្បីបញ្ជូនទៅតុលាការ។ ចំណែកវត្ថុតាងទាំងសងខាង ត្រូវបានកម្លាំងនគរបាលជំនាញនៃស្រុកវ៉ារិន អូសយកមករក្សាទុកបណ្តោះអាសន្ននៅប៉ុស្តិ៍នគរបាលស្រែណូយ ដើម្បីមានវិធានការបន្ត៕

អត្ថបទ៖ កុសល

Related Topics:គ្រោះថ្នាក់ចរាចរណ៍