ចរាចរណ៍

រថយន្ដពីរគ្រឿងនិងម៉ូតូមួយគ្រឿងបុកគ្នានៅចំណុចផ្លូវបំបែកជាបួន ដាច់ម៉ូតូជាពីរកំណាត់

បានផុស

៣ years មុន

នៅ

ថ្ងៃសៅរ៍ ២៧ វិច្ឆិកា ២០២១

ដោយ

ករណីគ្រោះថ្នាក់ចរាចរណ៍រវាងរថយន្ត និងរថយន្តហើយមានម៉ូតូ១គ្រឿងទៀតបើកមកពីក្រោយ ក៏ចាប់ហ្វ្រាំងមិនទាន់បុកបន្ថែមទៀតបណ្តាលឲ្យរងរបួសធ្ងន់។

ករណីគ្រោះថ្នាក់ចរាចរណ៍នេះ បានកើតឡើងនៅវេលាម៉ោង៨និង៥០នាទីយប់ ថ្ងៃទី២៦ ខែវិច្ឆិកា ឆ្នាំ២០២១ នៅត្រង់ចំណុចផ្លូវបំបែកជាបួននៃកំណាត់ផ្លូវលេខ១០៧និងផ្លូវលេខ២០៨ ស្ថិតក្នុងភូមិមេភ្លើង សង្កាត់ស្វាយរៀង ក្រុងស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសមត្ថកិច្ចបានឲ្យដឹងថា មុនពេលកើតហេតុគេឃើញរថយន្ត១គ្រឿងម៉ាក Ford RANGER ពណ៌ស ពាក់ស្លាកលេខភ្នំពេញ 2BH-9192 បើកបរពីទិសខាងលិច មកទិសខាងកើត លុះមកដល់ចំណុចកើហេតុខាលើ ក៏មានរថយន្ត១គ្រឿងទៀតម៉ាក TOYOTA Pruis ពណ៌ស ពាក់ស្លាកលេខស្វាយរៀង2A-5559 បើកបរពីទិសខាងជើង ទៅទិសខាងត្បូងយ៉ាងលឿន ក៏បុកជាមួយរថយន្តFord ពេញទំហឹងលាន់ដូចរន្ទះ (ចំទ្វារថយន្តFordខាងមុខផ្នែកខាងឆ្វេង) ខណៈនោះក៏មានបុរសម្នាក់បើកម៉ូតូ១គ្រឿងម៉ាក សាលួត (ផលិតនៅប្រទេសវៀតណាម) ពីទិសខាងលិចមកកើត លឿនដូចគ្នាមកបុកចំទទឹងរថយន្តPruisពេញទំហឹងបណ្តាលឲ្យដាច់ម៉ូតូជា២ អ្នកបើកម៉ូតូបោកខ្ទប់ទៅនិងរថយន្តរងរបួសក្បាលនិងស្មាខាងឆ្វេង ត្រូវបានបញ្ចូនទៅមន្ទីរពេទ្យ។ ចំណែកអ្នកបើកបររថយន្តPruis ជាប់នៅក្នុងរថយន្ត ត្រូវអ្នកឃើញហេតុការណ៍ជួយទាញទ្វានាំចេញពីរថយន្ត (របួសចុកទ្រូង បុកនិងចង្កូតរថយន្ត ហើយរបួសជើងខាងស្ដាំ)៕

អត្ថបទ៖ ភក្ដី