ចរាចរណ៍

ជិះម៉ូតូបុករថយន្ដចតចោលបញ្ច្រាសទិសដៅចរាចរណ៍រងរបួសបាក់ជើង

បានផុស

៣ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ បន្ទាប់ពីជិះម៉ូតូលឿនមិនប្រយ័ត្នជ្រុលបុករថយន្តហាយឡែនឌ័រមួយគ្រឿងដែលម្ចាស់បើកមកចតចោលនៅមុខហាងចិនមួយកន្លែង ក្នុងទិសដៅបញ្ច្រាស់ទិសចរាចរណ៍។

ហេតុការណ៍នេះកើតឡើងកាលពីវេលាម៉ោង០១រំលងអធ្រាត្រ ឈានចូលថ្ងៃទី០៩ ខែធ្នូ ឆ្នាំ១០២១ នៅចំណុចមុខហាងចិនមួយកន្លែង តាមបណ្តោយមហាវិថីសហព័ន្ធរុស្សី ទល់មុខអាកាសយាន្ដដ្ឋានអន្តរជាតិភ្នំពេញ ស្ដិតក្នុងសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តហាយឡែនឌ័រមួយគ្រឿងពណ៌ប្រផេះ ពាក់ស្លាកលេខភ្នំពេញ2AZ-8153 ដែលម្ចាស់បើកយកមកចតចោលនៅចំណុចទីតាំងកើតហេតុខាងលើ បញ្ច្រាស់ទិសដៅ លុះដល់ម៉ោងកើតហេតុក៏មានបុរសម្នាក់ជិះម៉ូតូឌ្រីមសង់មួយគ្រឿងពណ៌ខ្មៅស៊េរីឆ្នាំ២០១៨ពាក់ស្លាកលេខសៀមរាប1AA-4783ធ្វើដំណើរទៅទិសដៅពីកើតទៅលិចបុកចំពីមុខរថយន្តពេញទំហឹងបណ្ដាលឲ្យដួលបោកទៅថ្នល់រងរបួសធ្ងន់បាក់ជើងម្ខាង បន្ទាប់មករថយន្តសង្គ្រោះបន្ទាន់បានដឹកជនរងគ្រោះទៅសង្គ្រោះនៅឯមន្ទីរពេទ្យភ្លាមៗ។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុករង់ចាំធ្វើការដោះស្រាយគ្នាតាមផ្លូវច្បាប់៕

អត្ថបទ៖ សុខា