ចរាចរណ៍

រថយន្តធុនធំ២គ្រឿងបុកគ្នាធ្លាយប្រេងលើផ្លូវបង្កគ្រោះថ្នាក់ដល់អ្នកដំណើរផ្សេងទៀត

បានផុស

៣ years មុន

នៅ

ថ្ងៃអង្គារ ១៤ ធ្នូ ២០២១

ដោយ

រថយន្តស្ទូចមួយគ្រឿងខណៈកំពុងបើកបត់ឆ្លងផ្លូវស្រាប់តែមានរថយន្តក្រឡុកស៊ីម៉ងត៍មួយគ្រឿងទៀតបើកមកពីក្រោយបុកពេញទំហឹងបណ្តាលគាបជាប់គ្នានិងបែកក្រឡប្រេងហារពេញផ្លូវ បង្កគ្រោះថ្នាក់ដល់អ្នកធ្វើដំណើរជាបន្តបន្ទាប់។

ហេតុការណ៍នេះបានកើតឡើងកាលពីវេលាម៉ោង២និង២០នាទីរសៀលថ្ងៃទី១៤ ខែធ្នូ ឆ្នាំ២០២១ នៅចំណុចមុខសាលាបឋមសិក្សាទួលកី តាមបណ្តោយផ្លូវជាតិលេខ៣ ស្ថិតក្នុងភូមិព្រៃកី សង្កាត់ភ្លើងឆេះរទះ ខណ្ឌកំបូល រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញរថយន្តស្ទូចម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3D 8663 ធ្វើដំណើរបណ្តោយផ្លូវជាតិលេខ៣ ក្នុងទិសដៅពីជើងទៅត្បូង ខណៈមកដល់ចំណុចកើតហេតុស្រាប់តែស៊ីញ៉ូបត់ឆ្វេងបំណងត្រឡប់ក្រោយវិញ ភ្លាមនោះស្រាប់តែមានរថយន្តក្រឡុកស៊ីម៉ងត៍ ពាក់ស្លាកលេខភ្នំពេញ5A 1259 បើកមកពីក្រោយចាប់ហ្វ្រាំងមិនទាន់ក៏ជ្រុលបុកពេញទំហឹងបណ្តាលឱ្យគាបជាប់គ្នា និងធ្វើឱ្យរថយន្តស្ទូចបែកធុងប្រេងហារពេញផ្លូវ។

ក្រោយកើតហេតុសមត្ថកិច្ចបានគូសវាសនិងយករថយន្តទាំងពីរគ្រឿងអែបខាង ដើម្បីធ្វើការសម្របសម្រួលគ្នា។ ជុំវិញករណីខាងលើនេះ ដោយសារតែប្រេងហារពេញផ្លូវជាតិធ្វើឱ្យម៉ូតូអ្នកដំណើរមួយចំនួនបានរអិលដួលតែមិនរងរបួសធ្ងន់ធ្ងរនោះទេ។ បន្ទាប់មកសមត្ថកិច្ចបានខ្សាច់មកបាចលប់ប្រេងចៀសវាងបង្កគ្រោះថ្នាក់ដល់អ្នកដដៃទៀត៕

អត្ថបទ៖ សុខា