ចរាចរណ៍

ម៉ូតូទឹកមួយគ្រឿងផ្ទះឆេះនិងទូកឈើដឹកសម្ភារៈមួយគ្រឿងទៀត ត្រូវទឹករលកវាយបែកក្តារបាតទូកលិចនៅលំហសមុទ្រ

បានផុស

៣ years មុន

នៅ

ថ្ងៃចន្ទ ៣ មករា ២០២២

ដោយ

Kang Tola

ព្រះសីហនុ ៖ ម៉ូតូទឹកមួយគ្រឿងបានឆ្លងភ្លើងផ្ទុះឆេះយ៉ាងសន្ធោសន្ធៅនៅលំហស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុទ្រ ខណៈទូកឈើដឹកសម្ភារៈមួយគ្រឿងទៀតត្រូវទឹករលកវាយបែកក្តារបាតទូកបណ្តាលឲ្យទូកលិចក្នុងសមុទ្រ។

លោកឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជាខេត្តព្រះសីហនុបានមានប្រសាសន៍ថា ពេលទទួលបានព័ត៌មាននេះភ្លាម លោកបានបញ្ជូនអូប័រល្បឿនលឿន របស់ក្រុមហ៊ុន ចំនួន៣គ្រឿង ចេញទៅលំហសមុទ្រ ក្នុងខេត្តព្រះសីហនុ ដើម្បីជួយសង្គ្រោះ ជនរងគ្រោះ ដែលជួបឧបហេតុ ចំនួន២ករណីផ្សេងគ្នា ក្នុងពេលតែមួយ នៅលើលំហសមុទ្រនៅព្រឹកថ្ងៃទី៣ខែមករា ឆ្នាំ២០២២ស្ថិតនៅលំហសមុទ្រខេត្តព្រះសីហនុ។

លោកឧកញ៉ា ទៀ វិចិត្រ មានប្រសាសន៍បញ្ជាក់ថា ករណីគ្រោះថ្នាក់២ករណីផ្សេងគ្នា ក្នុងពេលតែមួយ នៅលើលម្ហសមុទ្រ នោះរួមមាន – ករណីទី១ គឺផ្ទុះឆេះម៉ូតូទឹក មួយគ្រឿងពេលកំពុងធ្វើដំណើរ ចេញពីខេត្តព្រះសីហនុ ទៅកោះរ៉ុងសន្លឹម បណ្តាលឲ្យជនរងគ្រោះចំនួន២នាក់នៅលើម៉ូតូទឹក ឆេះរងបួស។ ជនរងគ្រោះទាំង២នាក់នេះ មានឈ្មោះសុខ លីហូវ ភេទប្រុសអាយុ១៩ឆ្នាំ មានមុខរបរបុគ្គលិកម៉ូតូទឹក មានទីលំនៅសង្កាត់លេខ១ទំនប់រលក និងទី២មានឈ្មោះហ៊ុត វណ្ណះ ភេទប្រុស អាយុ២៥ឆ្នាំ មានមុខរបរបុគ្គលិកម៉ូតូទឹក។ ករណីទី២ ទូកដឹកសម្ភារៈ មួយគ្រឿង កំពុងធ្វើដំណើរនៅផ្ទៃសមុទ្រ មានមនុស្សរួមដំណើរក្នុងទូកចំនួន១០នាក់ ក្នុងនោះមានក្មេងចំនួន ៣នាក់ (ស្រីចំនួន២នាក់ ) ពេលមកដល់ចំណុចខាងជើងកោះដែកគោល ទូកក៏បានបែកក្តាបាត បណ្តាលមកពីទឹករលកធំៗ។

បច្ចុប្បន្ន ជនរងគ្រោះទាំងអស់ ត្រូវបានលោកឧកញ៉ា ទៀ វិចិត្រ ដឹកនាំក្រុមការងារផ្ទាល់ ធ្វើការអន្តរាគមន៍ជួយសង្គ្រោះដោយជោគជ័យ និងបញ្ជូនតាមអូប័រល្បឿនលឿនរបស់ក្រុមហ៊ុន យកមកខេត្តព្រះសីហនុ ដោយសុវត្ថិភាព ចំណែកជងរងគ្រោះដែលរងរបួស ក្រុមការងាររបស់លោកឧកញ៉ា បានបញ្ជូនតាមរថយន្តសង្គ្រោះរបស់ក្រុមហ៊ុនផ្ទាល់ យកមកសង្គ្រោះនៅមន្ទីរពេទ្យ៕

ស៊ុយ ចាន់ធា