ចរាចរណ៍

រថយន្តស៊េរីទំនើប ២ គ្រឿង ព្រលះគ្នានៅភ្លើងស្តុបពេញទំហឹង

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

រថយន្តស៊េរីទំនើបពីរគ្រឿង បានព្រលះគ្នាយ៉ាងពេញទំហឹង បណ្ដាលឲ្យរងការខូចខាតស្ទើរទាំងស្រុងដោយសារតែភាគីម្ខាងបើកមិនគោរពភ្លើងស្តុប។ ហេតុការណ៍គ្រោះថ្នាក់នោះបានកើតឡើងកាលពីរាត្រីថ្ងៃទី ៤ ខែមករា ឆ្នាំ ២០២២ នៅចំណុចភ្លើងស្តុបក្នុងផ្លូវ R6ប្លុកបឹងកក់ ក្នុងសង្កាត់ស្រះចកខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដែលឃើញហេតុការណ៍គ្រោះថ្នាក់នោះបានឲ្យដឹងថា នៅវេលាកើតហេតុគេឃើញរថយន្តស៊េរីទំនើប ២ គ្រឿង បានបើកកាត់ទទឹងផ្លូវគ្នាលុះពេលមកដល់ចំណុចផ្លូវភ្លើងស្តុបR6 ស្រាប់តែគេឃើញភាគីខាងរថយន្ត ៥៧០ ដែលពាក់ស្លាកលេខ(ខ ម)បានមកបុកពាក់កណ្តាលរថយន្តម៉ាកផច់ស៊េរីទំនើបមួយគ្រឿងទៀត បណ្ដាលឲ្យរងការខូចខាតស្ទើរទាំងស្រុងតែម្តង។

ប្រភពព័ត៌មានបានបន្តទៀតថា បន្ទាប់ពីរថយន្ដទាំងពីរគ្រឿងនោះបានព្រលះគ្នាយ៉ាងពេញទំហឹងរងការខូចខាតទាំងស្រុង ហើយនោះគេឃើញភាគីខាងរថយន្តទាំងសងខាងបានចេញពីក្នុងរថយន្ត ដោយមិនមានអ្នកណារងរបួសនោះទេ។ ប៉ុន្តែដោយមិនអាចដោះស្រាយគ្នាកើត ព្រោះការខូចខាតធ្ងន់ធ្ងរពេកទើបសមត្ថកិច្ចមូលដ្ឋាន បានបោះដៃហៅផ្នែកជំនាញចរាចរណ៍រាជធានីចុះមកស្ទូចរថយន្តទាំង ២ គ្រឿង នោះទៅរក្សាទុករង់ចាំដោះស្រាយគ្នាពេលក្រោយបន្តទៀត៕

អត្ថបទ៖ រស្មី

Related Topics:គ្រោះថ្នាក់ចរាចរណ៍