ចរាចរណ៍

បួងចង្កូតរថយន្ដចូលបុរីមិនទាន់ ជ្រុលបុកឡើងដុំថ្មលើសួនបះជើងម្ខាង

បានផុស

៣ years មុន

នៅ

ថ្ងៃអង្គារ ២៥ មករា ២០២២

ដោយ

បុរសម្នាក់សង្ស័យស្រវឹងបើករថយន្តឡិចស៊ីសNX-200T ក្នុងល្បឿនលឿនបួងចង្កូតបត់ចូលបុរីមិនទាន់ជ្រុលឡើងដុំថ្មលើសួនជាប់ខ្លោងទ្វារបុរីបះជើងម្ខាង។

ហេតុការណ៍នេះបានកើតឡើងកាលពីវេលាម៉ោង១និង៣០នាទីរំលងអាធ្រាត្រ ឈានចូលថ្ងៃទី២៥ ខែមករា ឆ្នាំ២០២២ នៅចំណុចមុខខ្លោងទ្វារបុរីពិភពថ្មី តាមបណ្តោយផ្លូវលេខ២១៧ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញបុរសម្នាក់សង្ស័យស្រវឹងបើករថយន្តម៉ាកឡិចស៊ីសNX-200T ពណ៌ស ពាក់ស្លាកលេខភ្នំពេញ2BB 9988 ធ្វើដំណើរតាមបណ្តោយផ្លូវលេខ២១៧ ក្នុងទិសដៅពីជើងទៅត្បូងក្នុងល្បឿនលឿនខណៈមកដល់មុខខ្លោងទ្វារបុរីពិភពថ្មីក៏ទាញចង្កូតបួងបត់ស្តាំចូលក្នុងបុរី តែបួងមិនទាន់ក៏ជ្រុលឡើងលើដុំថ្មធំមួយជាប់ក្លោងទ្វារបុរីបណ្តាលឲ្យបាស់ជើងម្ខាង សំណាងមិនមានអ្នករងរបួស។

ក្រោយកើតហេតុម្ចាស់រថយន្តបានធ្វើការចរចារជាមួយម្ចាស់បុរីសងនូវថ្លៃខូចខាតដើម្បីបញ្ចប់រឿងនិងស្ទូចរថយន្តទៅជួសជុលខ្លួនឯង៕

អត្ថបទ៖ សុខា