ចរាចរណ៍

ក្រុមហ៊ុនធ្វើផ្លូវជប៉ុនឲ្យសងការខូចខាត ក្រោយរថយន្តធុនធំមួយគ្រឿង បុកក្បាលថ្មពុះចែកទ្រូងផ្លូវ

បានផុស

៣ years មុន

នៅ

ថ្ងៃចន្ទ ៧ កុម្ភៈ ២០២២

ដោយ

រថយន្ដយីឌុបមួយគ្រឿងបើកបរលឿនពេលយប់ បានបុកក្បាលថ្មពុះចែកទ្រូងផ្លូវ បណ្តាលឲ្យក្រឡាប់ផ្ងារជើង ត្រូវក្រុមហ៊ុនធ្វើផ្លូវរបស់ជប៉ុនឃាត់ឲ្យសងខូចខាត។ ហេតុការណ៍នេះបានកើតឡើងនៅវេលាម៉ោង ២០ និង ១៥ នាទីយប់ កាលបីថ្ងៃទី ០៦ ខែកុម្ភៈ ឆ្នាំ ២០២២ ស្ថិតនៅក្នុងភូមិចារថ្មី ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលចរាចរណ៍ស្រុករលាប្អៀបានឲ្យដឹងនៅរសៀលថ្ងៃទី ៧ ខែកុម្ភៈ ឆ្នាំ ២០២២ នេះថា រថយន្តនេះបានបង្កគ្រោះថ្នាក់ដោយខ្លួនឯងខាងលើម៉ាកហ៊ីយ៉ាន់ដាយពណ៌លឿងពាក់ស្លាកលេខព្រះសីហនុ 3 A 7568 មានសណ្តោងរ៉ឺម៉កខាងក្រោយ ពាក់ស្លាកលេខព្រះសីហនុ 4A 2865 បើកបរដោយឈ្មោះ អ៊ឹង ណាំហាង ភេទប្រុស អាយុ ៣៨ ឆ្នាំ រស់នៅក្នុងភូមិទួលរការ សង្កាត់ចាក់អង្រែក្រោម រាជធានីភ្នំពេញ។

សមត្ថកិច្ចចុះពិនិត្យហេតុការណ៍នេះបានឲ្យដឹងថា រថយន្តធន់ធំបើកបរពីជើងទៅត្បូងមកដល់ចំណុចកើតហេតុខាងលើ រេចង្កូតបុកក្បាលថ្មពុះចែកទ្រូងផ្លូវ បណ្តាលឲ្យក្រឡាប់ផ្ងារជើង បង្កឲ្យខូចខាតក្បាលពុះចែកទ្រូងផ្លូវ និងរបងដែកតែមិនបណ្តាលឲ្យមានមនុស្សរងគ្រោះនោះឡើយ។

ដោយឡែករថយន្ត ត្រូវបានខាងក្រុមហ៊ុនមកស្ទូចយកចេញ កុំឲ្យស្ទះចរាចរណ៍ ដោយខាងក្រុមហ៊ុធ្វើផ្លូវជាតិលេខ ៥ របស់ជប៉ុនបានឲ្យសងការខូចខាតថ្មទ្រូងពុះចែកផ្លូវ និងរបងដែកផងដែរ ទើបអនុញ្ញាតឲ្យយករថយន្តទៅធ្វើអាជីវកម្មបន្តទៀត៕

អត្ថបទ៖ ឈៀងថារិទ្ធ

Related Topics:គ្រោះថ្នាក់ចរាចរណ៍