ចរាចរណ៍

មកដឹងច្បាប់ចរាចរណ៍ថ្មីរបស់ថៃ ពិតជាតឹងរ៉ឹង ហើយឈានដល់ជាប់ពន្ធនាគារ ទៀត

បានផុស

២ years មុន

នៅ

ថ្ងៃចន្ទ ៥ កញ្ញា ២០២២

ដោយ

វិសោធនកម្មច្បាប់ចរាចរណ៍ផ្លូវគោកទី ១៣ របស់ប្រទេសថៃ ដែលចេញច្បាប់កាន់តែតឹងរ៉ឹង និងការផាកពិន័យខ្លាំងជាងមុន ដើម្បីធានាសុវត្ថិភាពចរាចរណ៍ បានចូលជាធរមាននៅថ្ងៃចន្ទទី០៥ខែកញ្ញានេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមវិសោធនកម្មនេះ ប្រទេសថៃ នឹងដាក់ទោសថ្មីៗមានដូចជា៖

• ផាកពិន័យជាទឹកប្រាក់រហូតដល់ ៤០០០ បាត (៤៤៧ ២០០រៀល) សម្រាប់ការបើកបរហួសល្បឿនកំណត់ មិនគោរពភ្លើងសញ្ញាចរាចរណ៍ ឬមិនព្រមឈប់នៅកន្លែងមានគំនូស។

• ពិន័យជាប្រាក់រហូតដល់ ២០០០ បាត (២២៣ ៦០០រៀល) ចំពោះការបើកបរមិនពាក់មួកសុវត្ថិភាព ឬមិនពាក់ខ្សែក្រវាត់។

• ជាប់ពន្ធនាគាររហូតដល់ ១ឆ្នាំ និង/ឬពិន័យជាប្រាក់ពី ៥០០០ បាត (៥៥៩ ០០០រៀល) ទៅ ២០ ០០០ បាត (២ ២៣៦ ០០០រៀល) សម្រាប់ការបើកបរ មិនខ្វល់ពីសុវត្ថិភាពអ្នកដទៃ។

• ជាប់ពន្ធនាគាររហូតដល់ ១ឆ្នាំ និង/ឬពិន័យជាប្រាក់ពី ៥០០០ បាត (៥៥៩ ០០០រៀល) ទៅ ២០ ០០០ បាត (២ ២៣៦ ០០០រៀល) សម្រាប់ការបើកបរក្នុងស្ថានភាពស្រវឹង។

• ជាប់ពន្ធនាគាររហូតដល់ ២ឆ្នាំ និង/ឬពិន័យជាប្រាក់ពី ៥០ ០០០ បាត (៥ ៥៩០ ០០០រៀល) ដល់ ១០០ ០០០បាត (១១ ១៨០ ០០០រៀល) ចំពោះការបំពាន បើកបរទាំងស្រវឹងជាលើកទី២។

ច្បាប់នេះ ក៏គំរាមអ្នកបើកបរប្រណាំង កែយានជំនិះដោយខុសច្បាប់ ឬមានអាកប្បកិរិយាគួរឲ្យសង្ស័យផងដែរ ដោយអាចជាប់ពន្ធនាគាររហូតដល់ទៅ ៣ ខែ និង/ឬពិន័យជាប្រាក់ពី ៥០០០បាត (៥៥៩ ០០០រៀល) ទៅ ១០ ០០០ បាត (១ ១១៨ ០០០រៀល)។ ហាងដែលកែយានយន្តដោយខុសច្បាប់ ក៏ប្រឈមនឹងការពិន័យពីរភាគបីផងដែរ។

អ្នករៀបចំការប្រណាំង និងអ្នកផ្សាយពាណិជ្ជកម្ម អាចប្រឈមមុខនឹងការជាប់ពន្ធនាគាររយៈពេលប្រាំមួយខែ និង/ឬពិន័យជាប្រាក់ពី ១០ ០០០ បាត (១ ១១៨ ០០០រៀល) ទៅ ២០ ០០០ បាត (២ ២៣៦ ០០០រៀល)៕

ប្រែសម្រួល៖ Vann Vann

ប្រភព៖ Nation

ចុចអាន៖ ត្រួតពិនិត្យលើរថយន្តធុនធំ ជាង ១០០ គ្រឿង មន្រី្តជំនាញរកឃើញថា ស្ទើរតែទាំងស្រុង ដឹកជញ្ជូនតាមច្បាប់កំណត់