រថយន្តដឹកអ្នកទៅធ្វើចត្តាឡីស័កកូវីដ ក្រឡាប់តាមផ្លូវ ស្លាប់មនុស្ស ២៧នាក់នៅ ចិន

រថយន្តដឹកអ្នកសង្ស័យឆ្លងកូវីដ ទៅមណ្ឌលធ្វើចត្តាឡីស័កក្នុងប្រទេសចិន បានក្រឡាប់ សម្លាប់មនុស្សចំនួន ២៧ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្ត​បាន​ក្រឡាប់​នៅលើ​ផ្លូវ​មួយ​ក្នុង​ខេត្ត Guizhou ភាគ​និរតី​។ មនុស្ស​២០​នាក់​ផ្សេង​ទៀត​បាន​រង​របួសក្នុងហេតុការណ៍នេះ។

ឧបទ្ទវហេតុនេះ បានបង្កឲ្យមានការខឹងសម្បាយ៉ាងខ្លាំងពីសំណាក់អ្នកលេងបណ្តាញសង្គម ដែលបានរិះគន់គោលនយោបាយ “សូន្យកូវីដ” របស់ទីក្រុង ប៉េកាំង។

គោលនយោបាយដ៏តឹងរ៉ឹងនេះ ពាក់ព័ន្ធនឹងការតាមដាន និងការធ្វើតេស្តទ្រង់ទ្រាយធំ។ អ្នកដែលធ្វើតេស្តវិជ្ជមាន និងអ្នកមានទំនាក់ទំនងជិតស្និទ្ធជាមួយអ្នកជំងឺ ត្រូវដាក់ឲ្យនៅដាច់ដោយឡែកក្នុងផ្ទះ ឬនៅក្នុងមណ្ឌលធ្វើចត្តាឡីស័ក។ ហើយទោះបីជាករណីមួយចំនួនតូចក៏ដោយ វាអាចជំរុញឲ្យមានការបិទខ្ទប់ទូទាំងទីក្រុង។

មិន​មាន​ការ​បញ្ជាក់​ពី​មូលហេតុ​នៃគ្រោះថ្នាក់​ដែល​បាន​កើត​ឡើងកាលពី​ថ្ងៃ​អាទិត្យ ​នេះ​ទេ។

យោងតាមបទប្បញ្ញត្តិរបស់ប្រទេសចិន រថយន្តក្រុងដឹកអ្នកដំណើរ មិនត្រូវបានអនុញ្ញាតឲ្យបើកបរលើផ្លូវហាយវេឡើយ ចន្លោះម៉ោង ២ ដល់ម៉ោង ៥ ព្រឹក។

យ៉ាងណាក្តី ឧបទ្ទវហេតុនេះបានកើតឡើងនៅម៉ោង ០២:៤០ រំលងអធ្រាត្រថ្ងៃអាទិត្យ ឈានចូលថ្ងៃចន្ទ ដែលបង្ហាញថា រថយន្តក្រុងបានបំពានច្បាប់៕

ប្រែសម្រួល៖ Vann Vann

ប្រភព៖ BBC

ចុចអាន៖ ទីក្រុង Tianjin របស់ចិន ផ្អាកអាជីវកម្មមួយចំនួន ដើម្បីទប់ស្កាត់ការផ្ទុះ កូវីដ ថ្មី