នាយរងប៉ុស្តិ៍អំពិល ជួបគ្រោះថ្នាក់ចរាចរណ៍ស្លាប់ពេលជិះម៉ូតូទៅការពារនៅចំការលោក ខឹម វាសនា

លោក ផ្លង យូឡុង នាយរងប៉ុស្តិ៍អំពិល នៃអធិការដ្ឋាននគរបាលស្រុកប្រាសាទបាគង ខេត្តសៀមរាប បានជួបគ្រោះថ្នាក់ចរាចរណ៍បណ្ដាលឲ្យស្លាប់ ខណៈជិះម៉ូតូទៅបំពេញការងារការពារនៅចំការលោក ខឹម វាសនា នៅជើងភ្នំគូលែន ស្រុកបន្ទាយស្រី។ នេះបើតាមការឲ្យដឹងពី facebook របស់គ្រួសារជនរងគ្រោះបានបង្ហោះកាលពីម្សិលមិញថ្ងៃទី១៣ ខែវិច្ឆិកា ឆ្នាំ២០២២។ 

លោក ផ្លង យូរឡុង មានវ័យ៥៣ឆ្នាំ មានតួនាទីជានាយរងប៉ុស្ដិ៍អំពិល នៃអធិការដ្ឋាននគរបាលស្រុកប្រាសាទបាគង ខេត្តសៀមរាប បានជួបគ្រោះថ្នាក់ចរាចរណ៍នៅភូមិសាស្ត្រនៃស្រុកសូទ្រនិគម ដោយជិះម៉ូតូបុកគោយន្តបណ្ដាលឲ្យស្លាប់នៅនឹងកន្លែងកើតហេតុកាលពីវេលាម៉ោង៥ល្ងាច ថ្ងៃទី១៣ ខែវិច្ឆិកា ឆ្នាំ២០២២។

សពជនរងគ្រោះត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕