ចរាចរណ៍
ពលរដ្ឋរស់នៅក្នុងក្រុងខេមរភូមិន្ទ ព្រួយបារម្ភសុវត្ថិភាពធ្វើដំណើរ ខណៈអ្នកបើកបរមិនគោរពច្បាប់
ប្រជាពលរដ្ឋរស់នៅក្នុងក្រុងខេមរភូមិន្ទ ខេត្តកោះកុង បាននាំគ្នាសម្ដែងក្ដីព្រួយបារម្ភពីសុវត្ថិភាពរាល់ពេលធ្វើដំណើរតាមដងផ្លូវ ខណៈភាគច្រើនមានអ្នកបើកបរហួសល្បឿនកំណត់ និងវ៉ាជែងក្នុងស្ថានភាពគ្រោះថ្នាក់។
តាមដងផ្លូវថ្នល់ក្នុងក្រុងខេមរភូមិន្ទ សំបូរទៅដោយគំនូសវាស់វែងករណីគ្រោះថ្នាក់ចរាចរណ៍ស្ទើរតែគ្រប់ផ្លូវទាំងអស់។ រាល់ម៉ោង ៧ ព្រឹក មុខសាលាបឋមសិក្សាទីរួមខេត្ត មានអ្នកជិះម៉ូតូលឿនៗណាស់ មិនក្រែងដល់កូនសិស្សនោះទេ។
នេះជាការលើកឡើងរបស់ប្រជាពលរដ្ឋរស់នៅក្នុងក្រុងខេមរភូមិន្ទ តាមបណ្ដាញសង្គមហ្វេសប៊ុក កាលពីយប់ថ្ងៃទី ២១ ខែកុម្ភៈ ឆ្នាំ ២០២៣ អំពីក្ដីកង្វល់របស់ពួកគាត់ជុំវិញឥរិយាបថរបស់អ្នកបើកបរសព្វថ្ងៃនេះ ដែលភាគច្រើនជាយុវជនអាយុ ១៥ ដល់ ២៩ ឆ្នាំ។
តំណាងពលរដ្ឋ បានបន្តថា ខ្លាចណាស់ឥឡូវហ្នឹង ជាពិសេសឡានបើកបរលើស្ពាននឹងហ្មង វ៉ាជែងដោយគ្មានការពិចារណា ស្ពានតូចតែមួយ ឆ្ងល់គាត់ប្រឹងវ៉ាប្រញាប់ទៅណា។
ចំណែកឯ លោក ពិន សេរីវឌ្ឍនៈ អនុប្រធានមន្ទីរពេទ្យបង្អែកខេត្តកោះកុង ថ្លែងដែរថា ជាក់ស្ដែងមួយរយៈនេះ មន្ទីរពេទ្យខេត្តបានទទួលអ្នកជំងឺធ្ងន់ៗដោយសារគ្រោះថ្នាក់ចរាចរណ៍ដែលបានកើតឡើងក្នុងទីរួមខេត្តរបស់យើងផងដែរ។ សំណូមពរចូលរួមគោរពច្បាប់ចរាចរណ៍ ជាពិសេសកុំបើកបរលើសល្បឿនកំណត់យប់។
ពលរដ្ឋខ្លះទៀត រអ៊ូរទាំថា យប់ៗនៅម្ដុំផ្ទះគាត់ រង្វង់មូលយាយរែកផ្លែឈើ តែងមានក្មេងស្ទាវមួយក្រុមជិះម៉ូតូ ហើយដាក់សំឡេងសារ៉ែនឡានសង្គ្រោះបន្ទាន់រាល់យប់តែម្ដង ក្រុមកម្លាំងសមត្ថកិច្ចគួរមានវិធានការខ្លះហើយ។
ទាក់ទិននឹងការបារម្ភរបស់ពលរដ្ឋយ៉ាងដូច្នេះ ត្រូវបានលោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុង លើកឡើងថា លោកនឹងពិនិត្យ និងសុំគោលការណ៍បន្ថែមពីថ្នាក់ដឹកនាំខេត្ត ដើម្បីអនុវត្តវិធានការរឹតបន្តឹងច្បាប់ចរាចរណ៍ឡើងវិញទៅតាមគោលដៅនីមួយៗ។
លោកស្នងការខេត្ត អះអាងថា សមត្ថកិច្ចរបស់លោកតែងចុះផ្សព្វផ្សាយអប់រំណែនាំដល់សាធារណជនជាច្រើនលើកច្រើនសាមកហើយពីការចូលរួមគោរពច្បាប់ចរាចរណ៍ផ្លូវគោក ក្នុងន័យកាត់បន្ថយអត្រាគ្រោះថ្នាក់តាមដងផ្លូវ។ ប៉ុន្តែពួកគាត់គោរពច្បាប់តែពេលសមត្ថកិច្ចចុះអនុវត្តច្បាប់ប៉ុណ្ណោះ ក្រោយមកបន្តភាពខ្វះចន្លោះដដែល។
លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក នៃក្រសួងសាធារណការ និងដឹកជញ្ជូនបង្ហាញថា អត្រាគ្រោះថ្នាក់ចរាចរណ៍នៅខេត្តកោះកុង សព្វថ្ងៃបានកើនឡើងក្នុងស្ថានភាពគួរឲ្យបារម្ភខ្លាំង បើធៀបនឹងបណ្ដាខេត្តផ្សេងៗ ដោយភាគច្រើនអ្នកស្លាប់ និងរងរបួសជាយុវជនមានអាយុចន្លោះពី ១៥ ទៅ ២៩ ឆ្នាំ ជាក្រុមមនុស្សក្នុងវ័យពេញកម្លាំងសិក្សា និងប្រកបមុខរបរចិញ្ចឹមជីវិត។
មន្ត្រីជំនាញ បន្ថែមថា មូលហេតុដែលនាំឲ្យបង្កជាគ្រោះថ្នាក់ចរាចរណ៍តាមដងផ្លូវនៅពេលនេះ ក៏ដោយសារតែកត្តាបើកបរហួសល្បឿនកំណត់ សេពគ្រឿងស្រវឹង មិនពាក់មួកសុវត្ថិភាព បើកវ៉ាជែងក្នុងស្ថានភាពគ្រោះថ្នាក់ និងមិនផ្ដល់សិទ្ធអាទិភាពឲ្យគ្នាទៅវិញទៅមកជាដើម៕
អត្ថបទ ៖ សិរីវឌ្ឍនៈ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ