ចរាចរណ៍

រថយន្ដដឹកអ្នកដំណើរ៤៥កៅអី បើកធ្លាក់ផ្លូវក្រឡាប់របួសធ្ងន់ស្រាល១៤នាក់

បានផុស

១ year មុន

នៅ

ថ្ងៃចន្ទ ១៩ មិថុនា ២០២៣

ដោយ

រថយន្ដដឹកអ្នកដំណើរមួយគ្រឿងជាប្រភេទរថយន្ដ៤៥កៅអី បានរេចង្កូតបើកធ្លាក់ផ្លូវក្រឡាប់បណ្ដាលឲ្យអ្នករួមដំណើររងរបួសធ្ងន់ស្រាលសរុប១៤នាក់ ចំណែកអ្នកបើកបរគេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ័របស់ស្នងការដ្ឋាននគរបាលខេត្តសៀមរាប បានឲ្យដឹងថា ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៤និង១០នាទី ថ្ងៃទី១៨ ខែមិថុនា ឆ្នាំ២០២៣ នៅចំណុចលើផ្លូវជាតិលេខ៦ ចន្លោះបង្គោលគីឡូម៉ែត្រលេខ ៣៤០-៣៤១ ដែរស្ថិតក្នុងភូមិប៉ាក់ប៉ាន់ ឃុំសសរស្តម្ភ ស្រុកពួក ខេត្តសៀមរាប។

បើតាមរបាយការណ៍បញ្ជាក់ថា រថយន្ដបង្កជាប្រភេទរថយន្ដដឹកអ្នកដំណើរ៤៥កៅអី ពណ៌លឿង ពាក់ស្លាកលេខ ភ្នំពេញ 3B-4999 ធ្វើដំណើរក្នុងទិដៅពីកើតទៅលិច ពេលមកដល់ចំណុចកើតហេតុក៏រេចង្កូតធ្លាក់ផ្លូវក្រឡាប់បណ្ដាលរងរបួសធ្ងន់៣នាក់ និងស្រាល១១នាក់ ក្នុងនោះមានជនជាតិអាល្លឺម៉ង់១នាក់ និងជនជាតិឥណ្ឌា២នាក់។ របាយការណ៍បញ្ជាក់បន្ថែមថា មូលហេតុដែលបណ្ដាលឲ្យក្រឡាប់រថយន្ដនេះ គឺអ្នកបើកបរងងុយដេក។

ក្រោយពេលកើតហេតុកម្លាំងនគរបាលជំនាញបានចុះដល់កន្លែងកើតហេតុធ្វើការវាស់វែង ប្រមូលវត្ថុតាងពាក់ព័ន្ធយកទៅរក្សាទុកនៅអធិការដ្ឋាននគរបាលស្រុកពួក ដើម្បីដោះស្រាយតាមនីតិវិធីច្បាប់ ៕

អត្ថបទ៖ សុខុម