ចរាចរណ៍
ហ្វូងក្របីបានសម្លាប់មនុស្សម្នាក់ និងម្នាក់ទៀតរបួសធ្ងន់ នៅចំណុចអូរស្រីស្រណោះ សង្កាត់ស្មាច់មានជ័យ
ហ្វូងក្របីដែលតែងតែដើរដេកលើថ្នល់ជាតិលេខ ៤៨ បានបង្កគ្រោះដល់អ្នកដំណើរ ២ នាក់ ដោយមនុស្សម្នាក់ស្លាប់ និងម្នាក់ទៀតរបួសធ្ងន់ធ្ងរ។
គ្រោះថ្នាក់ចរាចរណ៍ដោយសារការបើកម៉ូតូបុកក្របីនេះកើតឡើងកាលពីវេលាម៉ោងជាង ៩ យប់ ថ្ងៃទី ៧ ខែសីហា ឆ្នាំ ២០២៣ ត្រង់ចំណុចអូរស្រីស្រណោះ ស្ថិតក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ។
លោក យស់ ចាន់វិចិត្រ អធិការនគរបាលក្រុងខេមរភូមិន្ទ បានឲ្យដឹងនៅព្រឹកថ្ងៃទី ៨ ខែសីហា ឆ្នាំ ២០២៣ ថា បុរស ២ នាក់ ដែលជួបគ្រោះថ្នាក់បុកសត្វក្របី គឺ ទី១-ឈ្មោះ នី ពិសិដ្ឋ អាយុ ២៣ ឆ្នាំ ទីលំនៅបច្ចុប្បន្នភូមិបឹងឃុនឆាង សង្កាត់ស្មាច់មានជ័យ មុខរបរបុគ្គលិកទឹកស្អាត បើកបរម៉ូតូម៉ាកអ៊ុចស៊ីទ័រ ពណ៌ខ្មៅ គ្មានស្លាកលេខ បានស្លាប់នៅនឹងកន្លែងកើតហេតុ និងទី២-ឈ្មោះ សន លីហួរ ភេទប្រុស អាយុ ២៨ ឆ្នាំ ទីលំនៅបច្ចុប្បន្នភូមិ ១ សង្កាត់ស្មាច់មានជ័យ មុខរបរកម្មករទឹកស្អាត រងរបួសធ្ងន់។
លោកអធិការនគរបាលក្រុងខេមរភូមិន្ទ សន្និដ្ឋានថា ហ្វូងសត្វក្របីទាំងនោះជាកម្មសិទ្ធិរបស់ពលរដ្ឋអ្នកភូមិព្រែកស្វាយ សង្កាត់ស្ទឹងវែង ដែលភាគច្រើនចិញ្ចឹមសត្វដោយការលែងមិនមានចំណងត្រឹមត្រូវ បណ្ដែតបណ្ដោយដើរពាសវាលពាសកាលគ្មានសណ្ដាប់ធ្នាប់ និងតែងតែបង្កគ្រោះថ្នាក់ដល់អ្នកដំណើរជាហូរហែ។
ថ្វីត្បិតអាជ្ញាធរ និងសមត្ថកិច្ច បានកោះហៅគ្រប់ម្ចាស់ដែលចិញ្ចឹមគោក្របីទាំងអស់មកអប់រំណែនាំជាច្រើនលើកច្រើនសាមកហើយ តែពួកគាត់ហាក់មិនសូវចូលរួមសហការយកចិត្តទុកដាក់នោះទេ។
ពលរដ្ឋអ្នកចិញ្ចឹមសត្វគោក្របីមានមិនច្រើនគ្រួសារនោះទេនៅក្នុងក្រុងខេមរភូមិន្ទ ខេត្តកោះកុង ជាក់ស្ដែងកន្លងមកនៅតាមបណ្ដាស្រុកមួយចំនួន គេសង្កេតឃើញមានករណីរថយន្ត និងម៉ូតូ បានបុកសត្វគោ ក្របី តាមដងផ្លូវសាធារណៈជាបន្តបន្ទាប់ បណ្ដាលឲ្យមនុស្សរងរបួសធ្ងន់-ស្រាល និងស្លាប់ក៏មានដែរ ព្រោះតែសកម្មភាពលែងរបស់ម្ចាស់សត្វពាហនៈទាំងនោះ៕
អត្ថបទ ៖ សិរីវឌ្ឍនៈ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៧ ថ្ងៃ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា