ចរាចរណ៍

បឋម៖ រថយន្ដដឹកកម្មករបុកជាមួយរថយន្ដPriusក្រឡាប់របួសធ្ងន់ស្រាលជាង៣០នាក់

បានផុស

១ year មុន

នៅ

ថ្ងៃចន្ទ ៦ វិច្ឆិកា ២០២៣

ដោយ

រថយន្ដដឹកកម្មករបេះផ្លែស្វាយមួយគ្រឿងបានក្រឡាប់បណ្ដាលឲ្យកម្មករប្រុសស្រីជាង៣០នាក់រងរបួសធ្ងន់ និងស្រាល បន្ទាប់ពីបុកជាមួយរថយន្ដម៉ាកPrius ដែលធ្វើដំណើបញ្ច្រាសទិសគ្នា។ ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦និង០០នាទី ព្រឹកថ្ងៃទី៦ ខែវិច្ឆិកា ឆ្នាំ២០២៣នេះ ត្រង់ចំណុចភូមិក្បាលទឹកលើ ឃុំជាំសង្កែ ស្រុកភ្នំស្រួច ខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានពីមន្ត្រីជំនាញនគរបាលចរាចរណ៍ស្រុកភ្នំស្រួច បានឲ្យដឹងថា ករណីនេះបង្កឡើងដោយរថយន្តដឹកកម្មករបេះស្វាយដែលបើកបរបញ្ច្រាសទិសគ្នា ជាមួយរថយន្ដទេសចរណ៍ Prius មួយគ្រឿងទៀត បណ្តាលឲ្យរថយន្ដដឹកកម្មករបេះផ្លែស្វាយក្រឡាប់ របួសធ្ងន់២១នាក់ ស្រី៧ និងរបួសស្រាល១២នាក់ ។

សមត្ថកិច្ចអាជ្ញាធរមូលដ្ឋានបាននិងកំពុងធ្វើការជួយសម្របសម្រួលសង្រ្គោះបញ្ជូនទៅមន្ទីរព្យាបាល និងសង្រ្គោះមណ្ឌលសុខភាព ដែលនៅគៀកជិត និងពិនិត្យស្ថានភាពបញ្ជូនបន្ដក្នុងករណីធ្ងន់ធ្ងរ មន្ទីរពេទ្យបង្អែកត្រពាំងក្រឡឹង ។

សម្ភារៈខូចខាតរថយន្ត០២គ្រឿងធ្ងន់ សមត្ថកិច្ចកំពុងចាត់ការតាមនីតិវិធី រីឯអ្នកបើកបរនៅនឹងកន្លែងកើតហេតុ៕