ព័ត៌មានជាតិ

កាមរីបាឡែនបុកគ្នាពេញទំហឹងជាមួយហាយឡិនឌរ័ បណ្តាលឲ្យមនុស្សប្រុសស្រីរងរបួសធ្ងន់ស្រាល៧នាក់

បានផុស

៤ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

រតនគិរី ៖ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តកាមរីបាឡែននិងរថយន្តហាយឡិនឌ័របុកគ្នាពេញទំហឹងបណ្តាលឲ្យមនុស្សប្រុសស្រីចំនួន៧នាក់រងរបួសធ្ងន់ស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង១៣និង៣០នាទី តាមបណ្តោយផ្លូវជាតិលេខ៧៦(ចន្លោះបង្គោលគីឡូម៉ែត្រលេខ២៨៦-២៧៨) ស្ថិតនៅក្នុងភូមិកាទៀង(ហៅអូរទទឹង)ឃុំល្បាំង១ស្រុកលំផាត់ ខេត្តរតនគិរី។

យោងតាមរបាយការណ៍របស់សមត្ថកិច្ចស្រុកលំផាត់បានបញ្ជាក់ថា រថយន្តម៉ាកកាមរីបាឡែន ពណ៌ខ្មៅពាក់ស្លាកលេខភ្នំពេញ2V-4421ធ្វើដំណើរពីត្បូងទៅជើង ចំណែករថយន្តហាយឡិនឌ័រពណ៌ស ធ្វើដំណើរពីជើងទៅត្បូងក្នុងទិសដៅបញ្ច្រាសគ្នា មានស្លាកលេខភ្នំពេញ2AF-8810 មកដល់ចំណុចកើតហេតុខាងលើ ក៏បុកគ្នាពេញទំហឹងតែម្តង។

ក្នុងរបាយការណ៍បន្តថា អ្នកបើកបររថយន្តកាមរីមានឈ្មោះ សាន់ សំអាត ភេទប្រុស អាយុ៤២ឆ្នាំ មុខរបរ ជានគរបាលរស់នៅភូមិ៧មករា សង្កាត់ឡាបានសៀក ក្រុងបានលុងខេត្តរតនគិរី(មានអ្នករួមដំណើរម្នាក់របួសធ្ងន់)។

ចំណែករថយន្តហាយឡិនឌ័របើកបរដោយឈ្មោះ ហៀង ម៉េងសៀង ភេទប្រុស អាយុ២៣ឆ្នាំ ជនជាតិខ្មែរ មានទីលំនៅភូមិ២ ឃុំត្រពាំងច្រេស ស្រុកកូនមុំខេត្តរតនគិរី មានអ្នករួមដំណើរចំនួន១០នាក់(ស្រី៥នាក់) បានរងរបួសស្រាលចំនួន៦នាក់។

ជនរងគ្រោះត្រូវបានរថយន្តសង្គ្រោះបន្ទាន់របស់ស្នងការដ្ឋាននគរបាលខេត្តដឹកយកមកព្យាបាលនៅមន្ទីរពេទ្យបង្អែកខេត្ត។ ចំណែកវត្ថុតាងបន្ទាប់ពីកម្លាំងជំនាញធ្វើការវាស់វែងរួចបានបញ្ជូនយកទៅរក្សាទុកនៅអធិការដ្ឋាននគរបាលស្រុកលំផាត់ដើម្បីធ្វើការដោះស្រាយគ្នាទៅតាមផ្លូវច្បាប់៕

ដោយ ៖ វុទ្ធឦសាន