បីថ្ងៃនៃពិធីចូលឆ្នាំចិន​វៀតណាមកើតគ្រោះថ្នាក់ចរាចរណ៍ បណ្តាលឲ្យមានអ្នកស្លាប់និងរបួសបីនាក់

បីថ្ងៃនៃពិធីចូលឆ្នាំចិន វៀតណាម នៅទូទាំងខេត្តតាកែវ កើត​មានគ្រោះថ្នាក់ចរាចរណ៍២ករណី បណ្តាលឲ្យមានអ្នកស្លាប់២នាក់ របួសធ្ងន់ម្នាក់។

របាយការណ៍ប៉ូលីសចរាចរណ៍ផ្លូវគោកនៃស្នងការនគរបាលខេត្តតាកែវបានបង្ហាញថា គិតចាប់ពីថ្ងៃទី១១ ដល់ថ្ងៃទី១៣ ខែកុម្ភៈ ឆ្នាំ២០២១ ទូទាំងខេត្តតាកែវ កើតមានគ្រោះថា្នក់ចរាចរណ៍២លើក បណ្តាលឲ្យជនរងគ្រោះប្រុស២នាក់បានស្លាប់បាត់បង់ជីវិត និងអ្នករងរបួសធ្ងន់ម្នាក់(ប្រុស) ខូចខាត់ម៉ូតូ២គ្រឿង និងរថយន្តមួយគ្រឿង ដែលទាំងពីរលើកនេះគឺកើតឡើងនៅស្រុកទ្រាំង ។ របាយការណ៍ដដែលបានបញ្ជាក់ថា ទាំងពីរករណីនេះ មូលហេតុសុទ្ធតែបើកបរលើសល្បឿនកំណត់។

ករណីគ្រោះថ្នាក់ចរាចរណ៍ពេលនេះ បើធៀបនិងឆ្នាំមុន នៃពិធីចូលឆ្នាំចិន វៀតណាម កាលឆ្នាំ២០២០ បីថ្ងៃដូចគ្នាគឺ កើតឡើង២លើកដូចគ្នា តែអ្នកស្លាប់មានម្នាក់ និងអ្នករបួសធ្ងន់មានម្នាក់ ដូចនេះឆ្នាំនេះគឺអ្នកស្លាប់កើនឡើងម្នាក់៕

វីរៈ