Update៖ ករណីក្រឡាប់រថយន្ត​នៅផ្លូវល្បឿន​លឿន​ ស្លាប់៥នាក់ និងរបួសធ្ងន់២នាក់

យោងតាមរបាយការណ៍ពីស្នងការដ្ឋាន​នគរបាលខេត្ដកំពង់ស្ពឺ បានឲ្យដឹងថា ករណីរថយន្ត​ Alphard ក្រឡាប់នៅផ្លូវល្បឿនលឿនមានអ្នកស្លាប់នៅកន្លែងកើតហេតុ៥នាក់ និងរបួសធ្ងន់២នាក់។

របាយការណ៍បញ្ជាក់ថា រថយន្ត​ Alphard ពណ៍ស ដឹកមនុស្ស​លក្ខណៈ​គ្រួសារ​ចំនួន៧នាក់ ក្នុងគោលបំណង​ទៅលេង​ខេត្ដព្រះ​សីហនុ​ និងមានអ្នកបើកបរ​ជាស្រ្ដី។

សូមបញ្ចាក់ថា ករណីគ្រោះថ្នាក់ចរាចរណ៍ក្រឡាប់រថយន្ដនេះ បានកើតឡើងវេលាម៉ោង​៧និង១២​នាទី​ព្រឹក ថៃ្ង​ទី៧​ ខែកុម្ភៈ​ ឆ្នាំ២០២៤​ នៅចន្លោះគី​ឡូម៉ែត​លេខ​២០​ ហួសច្រកចេញកំពង់ស្ពឺ​ កើត​បន្ដិច​។ ជនរងគ្រោះត្រូវបានសមត្ថកិច្ច​នគរបាល​អធិការ​ដ្ឋាន​ស្រុក​សំ​រោងទង​ ​នៃស្នងការដ្ឋាន​នគរបាលខេត្ដកំពង់ស្ពឺ​ បាននឹងកំពុងសហការ​អន្ដរាគមន៍​ជួយសង្គ្រោះ៕