បឋម៖ ក្រឡាប់រថយន្ដដឹកកម្មកររោងចក្រ របួសធ្ងន់ស្រាល៤៥នាក់

យោងតាមរបាយការណ៍របស់ស្នងការនគរបាលខេត្តកំពង់ស្ពឺ នៅព្រឹកថ្ងៃទី២៥​ ខែមិថុនា​ ឆ្នាំ២០២៤ មានករណីគ្រោះថ្នាក់ក្រឡាប់រថយន្ដដឹកកម្មករកម្មការិនីមួយគ្រឿងបណ្ដាលឲ្យរបួសធ្ងន់ស្រាល៤៥នាក់ ត្រូវបានបញ្ជូនទៅសង្គ្រោះនៅមន្ទីរពេទ្យ។ តាមរបាយការណ៍បញ្ជាក់ថា ករណីនេះបានកើតឡើងនៅលើផ្លូវ​ជា​តិលេខ៤​ ចន្លោះ​គីឡូម៉ែត្រ​លេខ​ ៣៤-៣៥​ ភូមិកែវឧត្ដម​ ឃុំត្រពាំងគង​ ស្រុកសំ​រោងទង​ ខេត្តកំពង់ស្ពឺ​។

តាមសេចក្ដីរាយ​ការណ៍​ ករណីនេះកើតឡើងមកពីរថយន្ដបុករថយន្ដពីក្រោយរួចគេចទៅបុកម៉ូតូមួយគ្រឿ​ងទៀត​រួចក្រឡាប់តែម្ដង។ អ្នករងរបួស​ត្រូវ​បានសមត្ថកិច្ចនគរបាល​បញ្ជូនទៅ​កា​ន់មន្ទីរពេទ្យសរុប៤៥នាក់ ​ប្រុស៧នា​ក់ ក្នុងនោះរបួសធ្ងន់១៩នាក់​ និងរបួសស្រាល ២៦នា​ក់ និងគ្មានអ្នកបាត់បង់អយុជីវិតនោះទេ៕