ចរាចរណ៍
បុរសជនជាតិចិនបើករថយន្ដបុករបាំងថ្មចែកទ្រូងផ្លូវក្រឡាប់ផ្ងារជើង
បុរសជាជនជាតិចិនម្នាក់បើករថយន្តក្នុងល្បឿនលឿន បានរេចង្កូតជ្រុលទៅបុកក្បាលនាគពុះចែកទ្រូងផ្លូវ នៅក្នុងបរិវេណកោះពេជ្រ បណ្តាលអោយក្រឡាប់នៅកណ្តាលផ្លូវតែម្តង។
![](https://www.kampucheathmey.com/wp-content/uploads/2024/06/photo_2024-06-26_11-12-06-1024x768.jpg)
គ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង៤ទៀបភ្លឺឈានចូលថ្ងៃទី២៦ ខែមិថុនា ឆ្នាំ២០២៤ ស្ថិតនៅត្រង់ចំណុចខាងកើតស្ពានឥន្ធនូកោះពេជ្រ តាមបណ្តោយផ្លូវបេតុង ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បើតាមប្រភពព័ត៌មានពីសន្តិសុខនៅក្នុងកោះពេជ្របានឲ្យដឹងថា មុនពេលកើតហេតុ ខណៈគាត់កំពុងយាមនៅបរិវេណកន្លែងកើតហេតុ ក៏ស្រាប់តែឃើញរថយន្តឡង់គ្រីស័រ ពណ៌ស ១គ្រឿង ពាក់ស្លាកលេខ ភ្នំពេញ 2BC-3939 ដែលបើកបរដោយជនជាតិចិន ធ្វើដំណើរពីកើតមកលិចក្នុងល្បឿនលឿនឆ្ពោះទៅស្ពានឥន្ធនូ។
![](https://www.kampucheathmey.com/wp-content/uploads/2024/06/photo_2024-06-26_11-12-09-1024x768.jpg)
ប្រភពដដែលបន្តទៀតថា លុះមកដល់ចំណុចកើតហេតុ រថយន្តក៏ស្រាប់តែរេចង្កូត ជ្រុលទៅបុកក្បាលនាគពុះចែកទ្រូងផ្លូវចំនួន០១កង់ពេញទំហឹង បណ្តាលឲ្យក្រឡាប់រថយន្តភ្លាមៗតែម្តង។ ភ្លាមៗ ម្ចាស់រថយន្តបើកទ្វារចេញមកក្រៅ រួចក៏រត់គេចខ្លួនទីតាំងកើតហេតុបាត់តែម្តង សំណាងល្អក៏មិនបង្កអោយនរណារងរបួសនោះឡើយ។ ចំណែករថយន្តបង្ករងការខូចខាតមួយកំណាត់មុខបែកកញ្ចក់ ខូចខាតមួយចំហៀងខាងស្តាំ និងផ្នែកដំបូល។
![](https://www.kampucheathmey.com/wp-content/uploads/2024/06/photo_2024-06-26_11-12-13-1024x768.jpg)
ក្រោយពេលកើតហេតុ គេឃើញមានតំណាងម្ចាស់រថយន្ត មកធ្វើការដោះស្រាយគ្នាជាមួយអ្នកគ្រប់គ្រងក្នុងទីក្រុងកោះពេជ្រ និងចេញថ្លៃសំណងរាល់ការខូចខាត ដើម្បីបញ្ចប់រឿងនៅកន្លែងកើតហេតុតែម្តង៕
អត្ថបទ៖ រដ្ឋា
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព