ចរាចរណ៍

បើករថយន្ដមិនប្រយ័ត្នពេលមេឃកំពុងភ្លៀង បុកពីក្រោយរថយន្តកុងតឺន័រកំពុងឈប់ចាំស្តុបរបួសធ្ងន់ស្រាល៧នាក់

បានផុស

១០ នាទី មុន

នៅ

ថ្ងៃសុក្រ ៩ សីហា ២០២៤

ដោយ

រថយន្តកុងតឺន័រដឹកអុសមួយគ្រឿងកំពុងឈប់រង់ចាំស្តុបត្រូវបានរថយន្តកូរ៉េបេីកបរលឿនខ្វះការប្រុងប្រយ័ត្នជាន់ហ្វ្រាំងមិនជាប់ជ្រុលទៅបុកពីក្រោយពេញទំហឹងបណ្ដាលកៀបជាប់គ្នាមានអ្នករងរបួសធ្ងន់ស្រាល៧នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់ចរាចរណ៍នេះបានកើតឡើងនៅវេលាម៉ោង១០យប់ថ្ងៃទី៨ ខែសីហា ឆ្នាំ២០២៤ ស្ថិតនៅតាមបណ្ដោយផ្លូវក្រវ៉ាត់ក្រុង ចំណុចស្តុបតាំងរនាម សង្កាត់ប្រទះឡាងខណ្ឌកំបូល រាជធានីភ្នំពេញ។

តាមប្រភពពីកន្លែងកើតហេតុបានប្រាប់អោយដឹងថា គេឃើញរថយន្តកុងតឺន័រម៉ាកហីយ៉ាន់ដាយ ពណ៌ខៀវក្រហម ពាក់ស្លាកលេខ កំពង់ចាម3A-6168 បេីកបរធ្វេីដំណើរពីជើងមកតាមបណ្ដោយផ្លូវក្រវ៉ាត់ក្រុង។ លុះមកដល់ចំណុចកើតហេតុរថយន្តក៏ឈប់រង់ចាំស្តុប ស្របពេលនោះមេឃកំពុងធ្លាក់ភ្លៀងផង មានរថយន្តកូរ៉េមួយគ្រឿងទៀតបេីកបរធ្វើដំណើរស្របទិសគ្នា ក្នុងល្បឿនយ៉ាងលឿនដោយផ្លូវងងឹតមេីលមុខមិនច្បាស់ ជាន់ហ្រ្វាំងមិនជាប់ក៏ជ្រុលទៅបុកពីក្រោយរថយន្តកុងតឺន័រពេញទំហឹងបណ្ដាលឲ្យកៀបជាប់អ្នកអ្នកបើក និងនារីពីរនាក់ទៀតដែលជិះក្នុងកាប៊ីនរងរបួសធ្ងន់ ត្រូវបានប្រជាពលរដ្ឋនៅកន្លែងកើតហេតុនាំគ្នាជួយគាស់ទ្វាររថយន្តយកជនរងគ្រោះចេញមកខាងក្រៅ និងអ្នករួមដំណើរបួននាក់ទៀតរងរបួសស្រាល។ បន្ទាប់មកជនរងគ្រោះទាំងបីនាក់ដែលរងរបួសធ្ងន់ត្រូវបានរថយន្តសង្គ្រោះបន្ទាន់របស់៧១១កងពលតូចលេខ៧០ ដឹកយកទៅសង្គ្រោះនៅមន្ទីរពេទ្យតេជោសន្តិភាព រីឯអ្នករងរបួសស្រាលត្រូវបានខាងម្ចាស់ការដ្ឋានដឹកយកទៅគោលដៅរបស់ខ្លួន។

ក្រោយកើតហេតុ សមត្ថកិច្ចមូលដ្ឋានចុះមកដល់ទីតាំង រួចសហការជាមួយសមត្ថកិច្ចជំនាញចរាចរណ៍ធ្វើការវាស់វែងយករថយន្តទាំងពីរគ្រឿងទៅរក្សាទុកនៅជំនាញការិយាល័យចរាចរណ៍ខណ្ឌកំបូល រង់ចាំដោះស្រាយពេលក្រោយ៕

អត្ថបទ៖ រដ្ឋា