ចរាចរណ៍

គោយន្តកែច្នៃជ្រុលទៅបុកម៉ូតូ បណ្ដាលឲ្យមនុស្ស២នាក់បានស្លាប់ និង ៤នាក់ទៀតរបួសធ្ងន់ស្រាល

បានផុស

៤ years មុន

នៅ

ថ្ងៃសុក្រ ៥ មីនា ២០២១

ដោយ

រតនគិរី ៖ គោយន្តកែច្នៃ បានជ្រុលចង្កូតទៅបុកម៉ូតូ២គ្រឿង លានដូចរន្ទះ បណ្ដាលឲ្យមនុស្ស២នាក់បានស្លាប់ និងមនុស្ស៤នាក់ទៀតរងរបួសធ្ងន់ស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍នេះ កើតឡើងនៅវេលាម៉ោង១០និង៣០នាទី ថ្ងៃទី៥ ខែមីនា ឆ្នាំ២០២១ តាមបណ្តោយផ្លូវលំ ត្រង់ចំណុចផ្លូវកោងចុះទួល ស្ថិតនៅក្នុងភូមិឡូន សង្កាត់យក្ខឡោម ក្រុងបានលុងខេត្តរតនគិរី។

យោងតាមរបាយការណ៍ពីការិយាល័យនគរបាលចរាចរណ៍ខេត្តបានឲ្យដឹងថា អ្នកបើកបរគោយន្តកែច្នៃបង្កគ្រោះថ្នាក់មានឈ្មោះ ញ៉ែម សុធី ភេទប្រុស អាយុ៣៨ឆ្នាំ ជនជាតិខ្មែរ រស់នៅភូមិបរញ៉ុក ឃុំឯកភាព ស្រុកអូរជុំខេត្តរតនគីរី (ស្លាប់)នៅនឹងកន្លែងកើតហេតុ។

អ្នករួមដំណើរជាមួយគោយន្ត ១.ឈ្មោះ ស៊ីណា ភេទប្រុស អាយុ៣៨ឆ្នាំ ជនជាតិខ្មែរ រងរបួសធ្ងន់។

២.ឈ្មោះ កុសល ភេទប្រុស អាយុ២៧ឆ្នាំ ជនជាតិខ្មែរ រងរបួសធ្ងន់ អ្នកទាំងពីររស់នៅឃុំជាមួយអ្នកបើកបរគោយន្តកែច្នៃ។

រីឯម៉ូតូមួយគ្រឿងម៉ាកហុងដាឌ្រីម សេ១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខរតនគិរី1B-4770 បើកបរដោយឈ្មោះ សឿន ពិន ភេទស្រី អាយុ៣០ឆ្នាំ ជនជាតិទំពួន មុខរបរកម្មករ បច្ចុប្បន្នរស់នៅភូមិឡូន សង្កាត់យក្ខឡោម ក្រុងបានលុង ខេត្តរតនគិរី រងរបួសធ្ងន់។

ម៉ូតូមួយគ្រឿងម៉ាក ស៊ី រ៉ូស ពណ៌ខ្មៅ មិនមានពាក់ស្លាកលេខ បើកបរដោយឈ្មោះនិន យាវ ភេទប្រុស អាយុ៤៨ឆ្នាំ ជនជាតិខ្មែររស់នៅភូមិជ័យជំនះ សង្កាត់ឡាបានសៀក ក្រុងបានលុងរងរបួសធ្ងន់។

អ្នករួមដំណើរជាមួយម៉ូតូស៊ីរ៉ូស ឈ្មោះ ប៊ុន ឆេង ភេទប្រុស អាយុ៤៨ឆ្នាំ ជនជាតិខ្មែរ រស់នៅភូមិជ័យជំនះ សង្កាត់ឡាបានសៀក ក្រុងបានលុង មុខរបរកសិករ(ស្លាប់)នៅនឹងកន្លែងកើតហេតុ។

មូលហេតុ បណ្តាលមកពីអ្នកបើកបរគោយន្ដកែច្នៃបើកបរក្នុងល្បឿនលឿន ដល់ផ្លូវចុះចំណោតហើយកោង ចាប់ហ្វាំងមិនជាប់ជ្រុលទៅបុកនឹងម៉ូតូ២គ្រឿងហើយក្រឡាប់គោយន្តខ្លួនឯង បណ្តាលឲ្យមនុស្សស្លាប់២នាក់របួសធ្ងន់៣នាក់និងរបួសស្រាលម្នាក់។