ចរាចរណ៍
នគរបាលរាជធានី នឹងបញ្ជូនខ្លួនលោក ម៉ៃ សុគន្ធ ទៅតុលាការនៅរសៀលថ្ងៃទី៦នេះដើម្បីអនុវត្តច្បាប់
កម្លាំងនគរបាលជំនាញនៃស្នងការដ្ឋាននគរបាលរាជធានីភ្នំពេញ នឹងបញ្ជូនខ្លួនលោក ម៉ៃ សុគន្ធ តារាចម្រៀង និងសម្ដែងទៅសាលាដំបូងរាជធានៅភ្នំពេញនៅរសៀលថ្ងៃទី៦ កញ្ញានេះ ដើម្បីអនុវត្តតាមនីតិវិធីច្បាប់ ពាក់ព័ន្ធករណីបង្កគ្រោះថ្នាក់ចរាចរណ៍ក្រោយឥទ្ធិពល់ជាតិស្រវឹង។ នេះបើតាមការបញ្ជាក់ពីលោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋានគរបាលរាជធានីភ្នំពេញ ប្រាប់ កម្ពុជាថ្មី នៅមុននេះបន្តិច។
លោកវរសេនីយ៍ឯក សំ វិច្ឆិកា បញ្ជាក់ថា ការបញ្ជូនខ្លួនជនបង្កគ្រោះថ្នាក់ចរាចរណ៍ឈ្មោះ ម៉ៃ សុគន្ធ នេះ គឺធ្វើឡើងតាមបទបញ្ជាផ្ទាល់របស់លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនៃស្នងការដ្ឋាននគរបាលរាជធានីភ្នំពេញ ដើម្បីអនុវត្តនីតិវិធីច្បាប់ ពាក់ព័ន្ធការបើកបរក្នុងស្ថានភាពស្រវឹងក្នុងល្បឿនលឿន។ អ្នកនាំពាក្យរូបនេះបន្ថែមថា នីតិវិធីរបស់មន្ត្រីនគរបាលយុត្តិធម៌គឺមានសិទ្ធសួរនាំរយៈពេល៤៨ម៉ោងដើម្បីស៊ើបអង្កេតស្រាវជ្រាវ និងបញ្ជូនទៅតុលាការតាមនីតិវិធី។
លោកវរសេនីយ៍ឯក សំ វិច្ឆិកា ក៏បានសង្កត់ធ្ងន់ថា ការងារនេះសមត្ថកិច្ចត្រូវតែពង្រឹងការអនុវត្តច្បាប់ឲ្យបានម៉ឺងម៉ាត់ គត់មុត ច្បាស់លាស់ដើម្បីឲ្យប្រជាពលរដ្ឋទូទៅចូលរួមគោរពច្បាប់ចរាចរណ៍ផ្លូវគោកក្នុងការកាត់បន្ថយអាត្រាគ្រោះថ្នាក់ចរាចរណ៍ ដែលបញ្ហានេះជាបញ្ហារស៊ើបពីមួយថ្ងៃទៅមួយថ្ងៃបានបង្កគ្រោះថ្នាក់បាត់បង់អាយុជីវិតប្រជាពលរដ្ឋ បង្ករបួសស្នាម និងខូចខាតទ្រព្យសម្បត្តិសាធារណៈជាដើម្បី។
សូមរំលឹកថា លោក ម៉ៃ សុគន្ធ ត្រូវបានកម្លាំងនគរបាលខណ្ឌសែនសុខប្រដេញឃាត់ខ្លួនបានកាលពីវេលាម៉ោង១២និង២០នាទីរំលងអាធ្រាត្រ ឈានចូលថ្ងៃទី៥ ខែកញ្ញា ឆ្នាំ២០២៤ បន្ទាប់ពីព្យាយាមបើករថយន្ដគេចវេសពីគោលដៅត្រួតពិនិត្យអាវុធជាតិផ្ទុះ និងគ្រឿងស្រវឹង នៅចំណុចមុខផ្សារបឹងបៃតង រហូតបង្កគ្រោះថ្នាក់ចរាចរណ៍បុកម៉ូតូកង់បី២គ្រឿង របួស២នាក់ និងខូចខាតរបាំងថ្មមួយចំនួន។
ក្រោយពីឃាត់ខ្លួន លោក ម៉ៃ សុគន្ធ ត្រូវបានសមត្ថកិច្ចជំនាញរកឃើញបើកបរក្រោយឥទ្ធិពលជាតិស្រវឹង០. ៦០មីលីលីត្រខ្យល់ដែលជាកម្រិតជាតិអាល់កុលខ្ពស់ល្មើសនឹងច្បាប់ចរាចរណ៍ផ្លូវគោកដែលមានការផាកពិន័យ៕
-
ព័ត៌មានអន្ដរជាតិ៣ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានជាតិ១១ ម៉ោង ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៣ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ១ ថ្ងៃ ago
ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់
-
ព័ត៌មានអន្ដរជាតិ៥ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ព័ត៌មានអន្ដរជាតិ៥ ម៉ោង ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់
-
ចរាចរណ៍១ សប្តាហ៍ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍