ចរាចរណ៍

បើករថយន្ដមិនប្រកាន់ស្ដាំបុកម៉ូតូមួយគ្រឿងបណ្តាលស្លាប់ម្នាក់រួចគេចខ្លួនបាត់

បានផុស

៥ ខែ មុន

នៅ

ថ្ងៃចន្ទ ៩ កញ្ញា ២០២៤

ដោយ

ម្ចាស់រថយន្តម៉ាក LEXUS មួយគ្រឿងបេីកបរធ្វេសប្រហែសមិនប្រកាន់ស្ដាំជ្រុលបុកម៉ូតូមួយគ្រឿងបណ្តាលឱ្យជនរងគ្រោះជាម្ចាស់ម៉ូតូស្លាប់ភ្លាមៗនៅកន្លែងកេីតហេតុ រួចចុះគេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍នេះកេីតឡេីងនៅថ្ងៃទី០៨ ខែកញ្ញា ឆ្នាំ២០២៤ វេលាម៉ោង១៩និង៤០នាទី ស្ថិតនៅលេីផ្លូវលេខ ១៣២ ចន្លោះគីឡូម៉ែត្រលេខ០១-០២ ក្នុងភូមិព្រៃឈេីទាលក្រោម ឃុំអង្គតាសោម ស្រុកត្រាំកក់ ខេត្តតាកែវ រវាងរថយន្ត និងម៉ូតូបេីកបរក្នុងទិសដៅបញ្ច្រាសទិសគ្នា។

សមត្ថកិច្ចស្រុកត្រាំកក់បានឱ្យដឹងថា វេលាម៉ោងកេីតហេតុខាងលេីមានរថយន្តមួយគ្រឿងម៉ាក LEXUS LX470ពណ៌ស ពាក់ស្លាកលេខភ្នំពេញ2L.2229 (អ្នកបេីកបរគេចខ្លួនបាត់) ដែលបេីកបរមកពីទិសខាងលិចលុះមកដល់ចំណុចខាងលេីបានបុកម៉ូតូមួយគ្រឿងម៉ាកហុងដាឌ្រីមC125ពណ៌ខ្មៅ ពាក់ស្លាកលេខ តាកែវ1O.9907 បេីកបរដោយឈ្មោះ រត្ន ធឿន ភេទប្រុស អាយុ៣៤ឆ្នាំ រស់នៅភូមិត្រពាំងថ្នល់ ឃុំស្រែរនោង ស្រុកត្រាំកក់ ខេត្តតាកែវ មុខរបរកម្មកររោងចក្រ(ស្លាប់នៅកន្លែងកេីតហេតុ)។ សមត្ថកិច្ចបញ្ជាក់ថា ចំពោះមូលហេតុគឺបណ្តាលមកពីអ្នកបេីកបររថយន្តបេីកបរមិនប្រកាន់ស្តាំ។

ក្រោយវាស់វែងធ្វេីកំណត់ហេតុចប់ សពជនរងគ្រោះត្រូវបានប្រគល់ជូនសាច់ញាតិយកទៅធ្វេីបុណ្យតាមប្រពៃណី ដោយឡែក វត្ថុតាងរថយន្ត និងម៉ូតូត្រូវបានយកមករក្សាទុកនៅអធិការដ្ឋាននគរបាលស្រុកត្រាំកក់ដើម្បីកសាងសំណុំរឿងទៅតាមនិតិវិធី៕

អត្ថបទ៖ វីរ: